Priljubljene svetopisemske vrstice iz Openboarunk 12

Deli

Un see haben derch daut Laum sien Bloot un daut Wuat wuafäa see enstunden, äwa am jewonnen, un an wia daut bat aum Doot nich om äa Läwen to doonen.

Dan hieed ekj em Himmel eene lude Stemm sajen: Nu es onsen Gott siene Radunk, siene Krauft, sien Rikj un sien Christus siene Krauft jekomen, wiels nu es onse Breeda äa Vekjläaja, dee an Dach un Nacht ver Gott vekloagd, rauf jeschmäten.

De groota Droak wort rut jestat, dee oole Schlang, dee de beesa Fient un Soton jenant woat, un de gaunze Welt veleit. Hee wort met siene Enjel toop rauf opp de Ieed jeschmäten.

Nu freit junt, jie Himmel un dee doabennen wonen! Oba wee dee, dee opp de Ieed un opp daut Mäa wonen, wiels de beesa Fient es no junt rauf jekomen un es schrakjlich wuttent, wiels hee weet hee haft mau eene korte Tiet.

Un em Himmel bruak een Kjrich ut: Michael un siene Enjel kjriejden jäajen dän Droak un siene Enjel.

Dan wia de Droak rietent doll äwa de Fru, un jinkj doaropp loos, jäajen äare äwaje Nokomenschoft to kjriejen, dee Gott siene Jebooten jehorcht haben un aun äa Zeichnis fa Jesus fausthoolen.

Dan kjeem em Himmel een grootet Tieekjen verendach: eene Fru met de Sonn bekjleet, un de Mon unja äare Feet, un opp däm Kopp eene Kroon von 12 Stierns. See wia schwanga un schrieech en groote Kwol, aus daut to Jeburt kjeem.

Un see brocht een Sän to Welt, dee aule Velkja met eene Iesastang rejieren woat. Un äa Kjint wort nopp jenomen no Gott un sienem Troon. Un de Fru fluach en de Wiltnis nenn, wua Gott een Plauz fa ar reedjemoakt haud, wua see 1.260 Doag vesorcht sull woaren.

Dan kjeem em Himmel een aundret Tieekjen verendach: een groota, rooda Droak, dee haud säwen Kjap un tieen Hieena, un opp siene Kjap säwen Kroonen. Sien Zoagel reet een Dreddel von de Stierns aum Himmel met sikj un schmeet dee opp de Ieed. Un de Droak stald sikj ver de Fru, dee daut Kjint to Welt brinjen sull, om daut opptofräten, wan daut wudd jebuaren sennen.

Oba de Fru worden twee Flichten von een grooten Odla jejäft, daut see no äaren Plauz en de Wiltnis flieejen kunn, wua see dree un een haulf Joa vesorcht woat, un wua de Schlang ar nich aunjriepen kaun. Dan spieech de Schlang een Wotastroom ut däm Mul, de Fru hinjaraun, daut see doavon sull metjeräten woaren. Oba de Ieed kjeem de Fru to Help un muak äa Mul op un schlukt dän Stroom opp, dän de Droak ut sien Mul schoot.