Priljubljene svetopisemske vrstice iz Openboarunk 14

Deli

Dan hieed ekj eene Stemm vom Himmel to mie sajen: Schriew: Seelich sent de Doodje von nu aun, dee em Harn stoawen. Jo, sajcht de Jeist, daut see von äare Oabeit reiwen, wiels see nämen äare Woakjen met sikj.

Hia brukt daut de heilje äare Jedult! Hia sent dee, dee Gott siene Jebooten un dän Gloowen aun Jesus hoolen!

un säd met lude Stemm: Fercht Gott un jäft am de Iea, wiels siene Tiet to rechten es jekomen! Un bät dän aun, dee Himmel un Ieed un Mäa un de Wotakjwalen jemoakt haft!

Un hinja dän kjeem een dredda Enjel un säd met lude Stemm: Wan irjentwäa daut Tia un sien Bilt aunbät, un sien Tieekjen aum Stiern ooda aun de Haunt nemt, dee saul uk Gott sien jlieejenden Wien drinkjen, dän hee onen jedempelt en sien Oajakuffel nenn jegoten haft, un woat ver de heilje Enjel un ver daut Laum met Fia un Schwäwel jekjwält woaren. Un von doa wua see jekjwält woaren, kjemt de Ruak emma un eewich. Doa es Dach un Nacht kjeene Ru fa dee, dee daut Tia un sien Bilt aunbäden, ooda fa däm dee sien Nomestieekjen aunnemt.

Dan kjikjt ekj un sach, daut Laum opp däm Zions Boajch stonen, un met am 144.000, dee sien Nomen uk sien Voda sien Nomen opp äare Stierns jeschräwen hauden.

Dan sach ekj noch een Enjel medden derch däm Himmel flieejen, dee haud een eewjet Evangelium, dee to prädjen, dee opp de Ieed wonen, daut es, aule Menschen von aule Velkja, Raussen, Stam un Sproaken

Un doaropp kjeem een aundra Enjel un säd: Dee es jefollen, Babel de groote Staut es jefollen, wiels see aule Velkja äaren jlieejenden Huarenwien haft to drinkjen jejäft.