Priljubljene svetopisemske vrstice iz EKESOTE 9

Deli

Kae nee au fakamauli ia koe, o tupu ke fakaha ia koe toku malohi pea ke fakamafola toku huafa i te kele katoa.

Nee ui leva e te Eteleno kia Moisese: Alu kia Falaone, pea ke ui kia ia: Koeni te folafola a te Eteleno, te Atua o te kau Hepeleo: Tuku taku hahai ke olo, ke natou tauhi kia au.

Kanapau nee au faoi toku nima, o au tauteai ia koe ki te mate, ia koe mo tau hahai, kua ke puli nei i oluga o te kele.

e to anai te nima o te Eteleno ki au faga manu ae e nonofo i te u gaueaga, ki te u hosi, mo te u asino, mo te faga kamelo, mo te u pipi, pea mo te u ovi; e lahi anai te mamate. E vahei kehe anai e te Eteleno te faga manu a Iselaele mai te faga manu a te kau Esipito, pea e mole pe anai mate he manu e tahi i te faga manu a te u fanau a Iselaele.

e au fakato anai i apogipogi, i te hola aeni, he ua maka ae e kehe osi age tona malohi, pea e heeki mau hona tatau i Esipito nei, talu mai te fakatuu o Esipito o kaku mai ki te aho nei. Koia ke ke tanaki i he kogamea malumalu au faga manu mo au mea fuli ae e mau i te u gaueaga. E to anai te ua maka ki te u tagata fuli mo te u manu fuli ae e mau i te u gaueaga pea nee mole fakaulu ki fale, pea e natou mamate anai.

E liliu anai te lefulefu aia ko he efu ae e ina kofu anai te fenua katoa o Esipito; pea e fakatupu anai e te efu aia ni fakafufula mo ni papala i te u tagata mo te u manu o te fenua katoa o Esipito. Nee too leva e Moisese mo Alone he lefulefu o he gutuumu, pea nee na olo leva kia mua o Falaone. Nee laku leva e Moisese te lefulefu ki te lagi, pea nee mafuta leva i te u tagata mo te u manu ni fakafufula mo ni papala.