Priljubljene svetopisemske vrstice iz EKESOTE 8

Deli

Kae, i te aho aia, e au fakailoga kehe anai te fenua o Koseni ae e nonofo ai taku hahai; e mole mau anai i ai he foi lago, o tupu ke ke iloi ko au ko te Eteleno, e au nofo i loto o te fenua aena. E au fai anai he fakailoga i taku hahai mo tau hahai. Pea e hoko anai te fakailoga aena i apogipogi.

Nee ui leva e te Eteleno kia Moisese: Ui kia Alone: Hiki tou nima mo tou tokotoko ki te u liua lalahi, mo te u liua liliki, mo te u vai tanaki, pea ke fakahake mai ai te u kelenui ki te fenua o Esipito.

Nee ui leva e te kau gaohi mea fakatalakitupua kia Falaone: Ko te kaui tuhi aeni o te Atua! Kae nee fakafefeka leva e Falaone tona loto, pea nee mole fakalogo leva ia kia Moisese mo Alone, o mulimuli ki te mea ae nee ui ki ai e te Eteleno.

Nee hiki leva e Alone tona nima ki te u vai o Esipito; pea nee hahake ake leva mai ai te u kelenui, o mafola i te fenua katoa o Esipito.

Nee ui leva e te Eteleno kia Moisese: Alu kei uhu kia mua o Falaone; e ulu anai ia ia o alu ki te vai. E ke ui anai kia ia: Koeni te folafola a te Eteleno: Tuku ke olo taku hahai, ke natou tauhi kia au.

Nee ui leva e Falaone: E au tuku anai ke kotou olo, o momoli ki te Eteleno, tokotou Atua, ni sakilifisio i te toafa; kae e mole kotou olo mamao anai moka kotou olo; pea ke kotou hufakii au.