Priljubljene svetopisemske vrstice iz Kuxh 9

Deli

Yaʼne ech tal Jesuus s-eche: —Laʼ utxh qʼaoq, oq laʼ akʼuqbʼa akʼuul s-viʼ. Tan jaʼl uvaʼ laʼ kʼuqbʼan ikʼuul s-viʼ, tul tira yeʼl itzaʼlal laʼ tiqʼot tibʼ s-vatz, —xeʼt Jesuus.

Tul nal kuxh isichʼin vibʼaal u xaak. Tul ech tal s-eche: —¡Nik inqejeʼ! Pet ¡lotxh in, tul laʼ kʼuqeʼv tel inkʼuul seʼe! —xeʼt u bʼaala.

Yaʼne paloʼk Jesuus t-val u otzotz. Ijunalich kuxh vet Jesuus tuchʼ inqʼa nikich itxhus tibʼ s-kʼatza, tul ech motx tal te Jesuus s-eche: —¿Kametz s-tiʼil yeʼ qat oleʼv oʼ tiʼ itukil el u demoonio t-taanima naq u xaak? —xeʼtaqe. Tul ech tal Jesuus s-eche: —Eche u demoonio uvaʼe, tan taʼn kuxh laʼ oleʼvik ex tiʼ itukil el uvaʼ laʼ [emaq etxʼaʼon tiʼ] inatxhax Tiuxh, —xeʼt Jesuus.

Bʼaʼn inqʼa niman tetz Jesuus, uvaʼ at koqxh vet itxumbʼal tiʼ itxhabʼat tiqʼot tibʼ tibʼaʼnil s-vatzaq, eche u atzʼam uvaʼ atxh vichiʼl s-bʼaʼn. Pet oq yeʼl itxumbʼal inqʼa niman tetz Jesuus tiʼ tiqʼot tibʼ s-vatzaq, echetz vet eche u atzʼam uvaʼ yeʼl vet vichiʼl. Echetz atoqxh bʼaʼnla txumbʼal sekʼatza tiʼ tatin bʼaʼnil sexoʼl sevatzaq, —xeʼt Jesuus.

—Jaʼl u niman vetz, uvaʼ ayaʼlxh taanima tiʼ ikʼulux invaʼq u nitxaʼ eche uvaʼa, tul inetze, nik ikʼul in. Tan jaʼl, uvaʼ laʼ kʼulun in tuchʼ bʼaʼnil, tul jitetz kuxh taʼn ine nik ikʼul in, pet antetz vinBʼaale, uvaʼ txhaqon tzaan in, nik ikʼuleʼ, —xeʼt Jesuus.

Tan jabʼilxh invaʼq xaol laʼ lotxhon ex, kʼuxh vaʼq kuxh vaaso aʼ laʼ taqʼ sete tuchʼ vinbʼij, tiʼ uvaʼ, ex vet niman vetz, in, u Kriisto, tul nuqxh nik val sete uvaʼ, aʼetz u xaole uvaʼ tetxhalxh laʼ ikʼul vitxʼaqaʼm taʼn quBʼaal Tiuxh.

Jaʼletz uvaʼ nik txhokon ikuʼ invaʼq inqʼa niman vetz t-paʼv, inqʼa txulul tatin tiʼ vinnimaleʼ, tul aʼl bʼaʼn uvaʼ laʼ qitzix ok invaʼq nimla kaʼ tiqul. Tul laʼ kʼonil bʼen tuul u maar tiʼ ijiqʼbʼeʼ, viʼ u mam kʼaxkʼo uvaʼ laʼ taqʼ quBʼaal Tiuxh s-tiʼ.

Oqetz nik iyan vetitzʼabʼal tu paʼv taʼn uvaʼ nik esaqi, tul aʼl bʼaʼn uvaʼ tiraetz yeʼ esaqi veteʼ. Echetz laʼ ebʼan vete, eche teesal el bʼaqʼ evatz. Tan aʼl bʼaʼn uvaʼ laʼ opoon ex tu qʼij saq tal uvaʼ nik ibʼanvat quBʼaal Tiuxh viqʼesalil, kʼuxh tzot vet ex s-laʼ etaqʼbʼeʼ, tiʼ uvaʼ kʼuxh tzʼeqel inqʼa bʼaqʼ evatz s-kaʼbʼil, tul oq een laʼ bʼaqaxik bʼen ex t-xamal s-tuchʼ