Priljubljene svetopisemske vrstice iz Kuxh 10

Deli

Tan aʼ ulk in tiʼ ikʼuulal inqʼa xaol, in, u Kʼaola uvaʼ bʼen s-alam aanima. Pet jit aʼ ulk in, tiʼ uvaʼ laʼ kʼuulal in. Atz aʼat ulk in tiʼ vaqʼt vibʼ kamoq setiʼ, atz tiʼ itxhoox vipaʼv mamala xaol, —xeʼt Jesuus.

Yaʼne itiila saqi Jesuus inqʼa nikich itxhus tibʼ s-kʼatza. Tul ech tal Jesuus s-eche: —Yeʼ laʼ oleʼv inqʼa xaol tiʼ ichitt tibʼ t-inqʼa ipaʼv. Pet vatz quBʼaal Tiuxh, tan tira yeʼxhkam invaʼq tzaʼl, —xeʼt Jesuus.

Yaʼne ech tal Jesuus s-eche: —Tiʼ uvaʼ qat akʼuqbʼa akʼuul s-viʼ, tul bʼaʼn vet axh. Pet quxh veteʼ, —xeʼt Jesuus. Tul yekich saqin vet varTimeeo. Atz txhʼuyeʼv vet bʼen tiʼ Jesuus tiʼ bʼey.

Echetz nik valte sete, jabʼiste uvaʼ quBʼaal Tiuxh nik aqʼon ikʼul tibʼ, tul yeʼxhabʼil vet vaʼq laʼ jatxon ixoʼl, —xeʼt Jesuus.

Tul yekichxh chiibʼ taanima Jesuus taʼn u vinaq. Atz isaqi Jesuus u vinaq. Tul ech tal Jesuus s-te s-eche: —Vaʼt kuxh u yol yeʼx animataʼ. Pet quxh kʼayi ka jankʼal inqʼa kamaq eetz. Tul aqʼ vijaʼmil te inqʼa meebʼaʼ. Echetz bʼen eelte u txʼijbʼal qʼij tu amlikaʼ. Tul txhʼuyeʼvenetz vet s-viʼ, [kʼuxh laʼ pal axh tu mam kʼaxkʼo, eche tiqat invaʼq u pereexho vikurus,] —xeʼt Jesuus.

Yaʼne ech tal Jesuus te varTimeeo s-eche: —¿Kam bʼaʼnil nik asaʼeʼ laʼ inbʼan see? —xeʼt Jesuus. Tul ech tal varTimeeo s-eche: —Txhusul qetz, aʼ nik insaʼeʼ uvaʼ laʼ ilon in inpaqte, —xeʼt varTimeeo.

Poro yeʼ laʼ utxhi uvaʼ ech laʼ motx ebʼane. Pet jaʼl invaʼq ex uvaʼ nik saʼon ebʼen s-nim vatz quBʼaal Tiuxh, tul aʼ, ex, laʼ bʼen ex s-kʼuulan tetz emol.

Toqetz val sete: Jaʼl uvaʼ yeʼ laʼ kuyun ibʼant quBʼaal Tiuxh iqʼesalil s-kʼatza, eche ikʼuqbʼat u nitxaʼ ikʼuul tiʼ itxutx ibʼaal, tul aʼetz uvaʼe, yeʼ laʼ bʼen ilon u qʼij saq tal uvaʼ nik ibʼanvat quBʼaal Tiuxh iqʼesalil, —xeʼt Jesuus.

Pet mamala xaol uvaʼ sibʼxh vet tiqleʼm vatz quBʼaal Tiuxh nik inatxheʼ, tul aʼetz uvaʼe, yeʼl tiqleʼm vatz quBʼaal Tiuxh laʼ ibʼana. Pet jabʼisteetz inqʼa xaol uvaʼ yeʼl tiqleʼm vatz quBʼaal Tiuxh nik inatxheʼ, tul aʼetz inqʼae, niimxh tiqleʼm vatz quBʼaal Tiuxh laʼ ibʼana, —xeʼt Jesuus.{*}

Pet jit ech uvaʼe bʼanel ka taʼn quBʼaal Tiuxh sixeʼt tzaan u qʼij saq. Tan vaʼl vinaq, atz vaʼt ixoq iviinqixsa ka quBʼaal Tiuxh vatz u txʼavaʼ, tiʼ uvaʼ ikʼulel tibʼ s-vatzaq laʼ ibʼana. Tan tal ka quBʼaal Tiuxh uvaʼ: «Echetz s-tiʼile laʼ taqʼ ka u vinaq itxutx ibʼaal, [tul laʼ ikʼul vet tibʼ tuchʼ u tixqel]. Tul vaʼl kuxh vet tatin u vinaq tuchʼ u tixqel laʼ ibʼana,» xeʼt quBʼaal Tiuxh. Jitetz vet kaʼvaʼl vatz quBʼaal Tiuxh laʼ ibʼana, pet vaʼl kuxh veteʼ.