Priljubljene svetopisemske vrstice iz Kuxh 8

Deli

Tan jatvaʼlxh ex, uvaʼ laʼ esaʼ ekolt u qʼij esaq tetz vatz txʼavaʼ, tiʼ yeʼ etalt etibʼ s-niman vetz, tul aʼetz exe, uvaʼ laʼ tzʼeqon u qʼij esaq yeʼl iyaʼebʼal imotxebʼal. Pet jatvaʼlxh ex, uvaʼ laʼ yatzʼax el ex, tiʼ uvaʼ, ex niman vetz, tul laʼ etzʼeq u qʼij esaq tetz vatz txʼavaʼ tiʼ inqʼa bʼaʼnla txhaq yol s-viʼ, tul aʼetz exe, uvaʼ at qʼij esaq yeʼl iyaʼebʼal imotxebʼal kʼatz quBʼaal Tiuxh.

Tan yeʼxhkam laʼ taqʼa, kʼuxh jankʼal inqʼa kam vatz u txʼavaʼ laʼ oleʼv u xaol tiʼ itxʼakaxeʼ, oq aʼ laʼ itzʼeq u qʼij isaq u taanxelal uvaʼ yeʼl iyaʼebʼal imotxebʼal.

Yaʼne isikʼle tzaan Jesuus inqʼa xaol tuchʼ inqʼa nikich itxhus tibʼ s-kʼatza. Tul ech tal Jesuus s-eche: —Jaʼl ex, uvaʼ nik esaʼ etxhʼuyeʼv s-viʼ, tiʼ etxhust etibʼ sinkʼatza, tul aʼ isaʼ uvaʼ jit aʼ laʼ etatxhva ikʼulux vaʼq bʼaʼnil tzitza vatz txʼavaʼ. Pet txhʼuyeʼvoq ex s-viʼ, kʼuxh mam kʼaxkʼo laʼ palk ex, tul kʼuxh ech laʼ ekʼaxbʼ tiʼ etxhʼuyeʼv tzaan s-viʼ eche nik ikʼaxbʼ vaʼq pereexho tiʼ tiqal vikurus.

Atz laʼat koq isaʼa uvaʼ laʼ iloqʼ u xaol qʼij isaq u taanxelal kʼatz quBʼaal Tiuxh tuchʼ u mam txʼijbʼal qʼij uvaʼ laʼ itxʼak vatz u txʼavaʼ. Pet at ex, uvaʼ laʼ chʼixv ex s-ve. Atz laʼ chʼixv ex te vinyolbʼal vatz inqʼa xaol, inqʼa itzʼlel s-txheel, inqʼa tzʼeqxinaʼq vitxumbʼal, inqʼa aʼ kuxh mam paʼv nik ibʼaneʼ, inqʼa yeʼ nik qeon in. Echatetz laʼ inchʼixve sete, in, u Kʼaola uvaʼ bʼen s-alam aanima, uvaʼs laʼ vul inpaqte tuchʼ u nimla vatineʼ uvaʼ laʼ taqʼ vinBʼaal s-ve, atz tuchʼ inqʼa aanxel, —xeʼt Jesuus.

Yaʼne ech tal Jesuus s-eche: —Pet ¿keʼchetz ex? ¿Jaʼletz in, nik etaleʼ? —xeʼt Jesuus. Tul ech tal Luʼ s-eche: —Aʼ axhe u Kriisto, —xeʼt Luʼ.