Priljubljene svetopisemske vrstice iz १ कोरिन्थी 12

Deli

सबैको भलाइ होस् भनेर हरेक मानिसलाई पवित्र आत्‍माको काम प्रकट हुन हरेकलाई वरदानहरू दिइएको छ।

त्‍यसैगरी तिमीहरू सबै खीष्‍टका शरीर हौ। हरेक त्यसका अङ्गहरू हौ।

कुनै अङ्गले दु:ख पाउँदा सबै शरीरले नै दु:ख भोग्‍छ। एउटा शरीरको अङ्गले प्रशंसा पाउँदा पूरै शरीरले नै प्रशंसा पाउँछ।

कसैलाई पवित्र आत्‍माले नै बुद्धिको वचन दिने वरदान दिनुहुन्‍छ र उही आत्‍माले कसैलाई ज्ञानको वचन दिने वरदान दिनुहुन्‍छ। उही पवित्र आत्‍माले कसैलाई विशेष विश्‍वास दिनुहुन्‍छ र कसैलाई बिरामी निको पार्ने वरदानहरू दिनुहुन्‍छ। कसैलाई चाहिँ अचम्‍म-अचम्‍मका काम गर्ने शक्ति दिनुहुन्‍छ। कसैलाई अगमवाणी बोल्‍ने (अर्थात् बुझ्‍ने भाषामा परमेश्‍वरको तर्फबाट बोल्‍ने) वरदान, कसैलाई आत्‍माहरू छुट्याउने वरदान अनि कसैलाई विभिन्‍न किसिमका अन्‍य भाषाहरूमा बोल्‍ने वरदान त कसैलाई ती भाषाहरूको अर्थ खोल्‍ने वरदान पवित्र आत्‍माले नै दिनुहुन्‍छ।

यी सबै उही एउटै पवित्र आत्‍माका काम हुन्। पवित्र आत्‍माले आफ्‍नै इच्‍छाअनुसार सबैलाई यी बेग्‍ला-बेग्‍लै वरदानहरू दिनुहुन्‍छ।

र शरीरमा फाटो नपरोस् तर शरीरका अङ्गहरूले एक-अर्काको वास्‍ता गरून्।

पवित्र आत्‍माका वरदानहरू धेरै किसिमका छन् तर वरदान दिने पवित्र आत्‍मा एउटै हुनुहुन्‍छ। धेरै किसिमले सेवा चाहिँन्‍छ तर मालिकचाहिँ एउटै हुनुहुन्‍छ। धेरै किसिमका ईश्‍वरीय योग्‍यताहरू छन् तर हरेकलाई यी सब दिने परमेश्‍वरचाहिँ एउटै हुनुहुन्‍छ।

परमेश्‍वरले नै मण्‍डलीमा यसरी राखिदिनुभएको छ– पहिला प्रेरितहरू (प्रेरितहरू), दोस्रो अगमवक्ताहरू, तेस्रो सिकाउने गुरु अनि अचम्‍मका काम गर्नेहरू, त्‍यसपछि बिरामी निको पार्ने वरदान पाएकाहरू, अरूलाई सघाउनेहरू, देखरेख गर्नेहरू र विभिन्‍न भाषा बोल्‍ने वरदान पाएकाहरू राखिदिनुभएको छ।

किनभने मानिसको शरीर एउटै अङ्गले बनिएको होइन, तर धेरै अङ्ग मिलेर बनेको छ।

अझ उल्‍टा शरीरका सबैभन्दा कमजोर अङ्गहरू नै हामी बढी जतन गर्छौं अनि नराम्रो अङ्गलाई नै स्‍याहार्छौं।

पूरै शरीरमा आँखा मात्रै भयो भने केले सुन्‍ने? र कान मात्रै भयो भने केले सुँघ्‍ने? शरीरमा भएका अङ्गहरू परमेश्‍वरले आफ्‍नै इच्‍छाले शरीरमा राखिदिनुभएको हो। एउटै अङ्गले पूरै शरीर ढाक्‍यो भने शरीर हुने नै थिएन।