Psalms 2
2
PSALM II
David’s ain right till be King, an’ Chryst’s forby; a’ ither kings maun thole an’ lout.#Afore Chryst. 1047. Sam 5
[By wha’s no said here.]
1Whatfor fey the far-aff folk, an’ the frem folk trew ane ydil thing?#Ps 46:6; Acts 4:25
2Kings o’ the yirth stan’ up, an’ righters tak thought thegither; again the Lord, an’ again his Chrystit#Ps 45:7 ane, sayan;
3Lat’s rive their thirlbans syndry, an’ fling atowre their tows frae us!#Jer 5:5; Luke 19:14
4Wha sits intil the lift sal laugh;#Ps 37:13; 59:8; Prov 1:26 the Laird o’ the lan’#2:4 Wha’s ain right it is till mak kings: anither word i’ the Hebrew here, nor Jehovah. sal lightlie them a’.
5Syne sal he bost them in his wuth, an’ fley them in his sair mislooin, sayan;
6I hae setten#2:6 Heb. I hae chrystit. my king, for a’, ontil my halie height o’ Zioun.#2 Sam 5:7
7I sal e’en gar yo trew the redden-right: Quo’ the Lord until me, My ain son#Acts 13:33; Hebr 1:5; 5:5 are ye, this day hae I begotten thee.
8Seek#Ps 22:27; 72:8; 89:27; Dan 7:13, 14 ye frae me, an’ I sal gie till thee the far-aff folk in fee, an’ the yondermaist neuks o’ the warld till yer ain ha’din.
9Ye sal thring them wi’ a gad o’ airn; ye sal ding them till roons, like the shaird-makar’s gowpin.#Ps 89:23; Rev 2:27; 12:5; 19:15
10Be wyss than, O ye kings; tak tent, ye righters o’ the warld:
11Lout#Hebr 12:28 ye to the Lord wi’ dread; an’ gin ye bost, lat it be wi’ slakkens.
12Swaif#Gen 41:40; 1 Sam 10:1 ye the Son, that he takna wuth; an’ ye tine yer ain gate, gin his lowe be kennl’d but a kennin.
O blythe#Isaiah 30:18; Jer 17:7 may they a’ be, wha lippen till himsel alane!
Aktuálne označené:
Psalms 2: SCOWAD
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published as The Psalms: frae Hebrew intil Scottis in 1871.