Shitatiko 2
2
1Nohobene Kaye nimwako, liyilu na hanci nanebye bilimo nimwabyo byamanine kulengiwa. 2#Kut 20:11; Bah 4:4-10. Ha mutena wa mutanu na abili Nyambi wamanishile milimo eye atendelenga, pe wakatalile ha mutena wa mutanu na abili. 3Nohobene Nyambi watandalishile mutena wa mutanu na abili na kuwu zilika kwinga mutena wa kuyela ndaba ha mutena uyo niho akatalile, ha kumanisha milimo yendi ya kulenga na kutenda byuma nimwabyo. 4Awa niwo mabalikilo a liyilu na kaye.
Mfuba ya Endeni
#
Kut 3:14. Oho Nyambi ya Ngula#2:4Nyambi ya Ngula:Mu Shihebelu lizina linengi Yahwe, lizina elye babengi banalitontololo ngayi Yehova. Linengi lizina lya Nyambi liya likulubulula wunene wendi. (Yahwe). alengele kaye, 5kwabulile bya kumena hanci kami kowa mbuto yamenene ndaba Nyambi ya Ngula kaliha walokeshele mvula hano hanci, kami kwabulile muntu wa kulima mafuba. 6Hinge ngayi kaliha kwekalile mvula ngoboni mema afuminenga hanci na kuzabisha limvu nimwalyo.
7 #
1Koli 15:45. Niho Nyambi ya Ngula atolele limvu hanci, wabumbileho muntu.#2:7Limvu…Muntu: Mazu awa mu Shihebelu Limvu na Muntu akulifweka. Pe woyelele mu mizulu yendi moyo wakupana wumi, pe muntu watatikile ku yoya. 8Niho Nyambi ya Ngula, Nyambi, akunine mfuba ku mushamuko wa Endeni, kuyo niko ayakile muntu uya abumbile. 9#Kuh 2:7; 22:2, 14.Pe wamenesheleko mishobo nimwayo ya mitondo yayiwahe eye yayiminenga mikabo yayiwahe ya kulya. Mukati ka mfuba kami mwekalile mutondo uya ukupana wumi na mutondo uya ukupana kalimukisho ka byabiwahe na byabibi.#2:9 Kalimukisho ka byabiwahe na byabibi hinge kalimukisho ka byuma nimwabyo.
10Mushinzi wakunkwilenga mema kufuma mu Endeni kuyitilila mfuba, mushinzi ou walitapile kwinga mishinzi yinaa. 11Lizina lya mushinzi wakutatika niwo Pishoni, niwo umo uya wapita na kuzinguluka mukati ka litunga lya Habila, oku kukuwaniwa ngolinde. 12Ngolinde ya noku, yenga yayiwahe na mazi akunuka livumba lyaliwahe na mamanya a Onikishi a ndando yayinene. 13Lizina lya mushinzi wawubili niwo Ngihoni, niwo ukupita na kuzinguluka litunga nimwalyo lya Kushi.#2:13 Shundani ku shikale niye Kushi. 14Lizina lya mushinzi wawuhatu niwo Tingilishi, niwo ukukunkwila ku mushamuko wa Ashiliya na mushinzi wawunaa niwo Yufuleti.
15Niho Nyambi ya Ngula ayakile muntu#2:15 Muntu: Mu Shihebelu ngayi Andama. mu mfuba ya Endeni ngayi ayilimenga na kuyilama. 16Pe wamutongwezele ngayi, “Ukutwesha kulya ku mikabo ya mitondo nimwayo yamu mfuba, 17ngoboni ku mutondo ou wakupana kalimukisho ka byabiwahe na byabibi hinga ukalyako, ndaba mutena wakalyako pe ukafwa.”
18Niho Nyambi ya Ngula ambile ngayi, “Kaliha shashiwahe ngayi mulume ekale ninkayendi, nikamutendela minendi mukakumuyavwa.” 19Nyambi ya Ngula watolele limvu hanci, pe wavumbileho tuyamana na tuyoni nimwato, niho abaletele kuli muntu ngayi abatumbe mazina, pe eshe nisho bawanine mazina wabo awa bali nawo. 20Nohobene muntu watumbile bimuna nimwabyo mazina, tuyamana nimwato twa mu lishaka na tuyoni ngoboni Andama kaliha wawanine minendi wa kumuyavwa.
21Niho Nyambi ya Ngula alangikile mulume mutulo twa ngonzi, oho ushili mutulo wafumishile lupati lwa mulume pe wabweshelemo nyama ngonehe eshe mwekalile. 22Nyambi ya Ngula watendeleho mukazi ha lupati luya ashimbile kuli mulume pe wamuletele kukwendi.
23Nohobene mulume wambile ngayi, “Ou nengi shifupa shinafumishiwi ku bifupa byami,
Na nyama yina fumishiwi ku nyama yami.
Nikamutumba ngayi, ‘Mukazi’
Ndaba wafumishiwile ku mulume.”#2:23Mukazi…Mulume Mazu awa mu Shihebelu “Mukazi” na “Mulume” alifweka.
24 #
Mat 19:5; Mako 10:7-8; 1Koli 6:16; Efwe 5:31. Ndaba ya neshe, mulume ukashiya tatiyendi na mandiyendi na ku kowamina mukazendi, ngayi bafutuke kwinga lutu lumo.
25Hinge niho mulume na mukazi bekalile muhelengwa, ngoboni kaliha bayuvwile lisheni.
Aktuálne označené:
Shitatiko 2: LLK
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Libuka Lya Kuyela © Bible Society of Zambia, 2020.