Lyfr y Psalmau 1
1
1Gwyn fyd y gwr ni rodia ’n ol
Drwg gyngor annuwiolion ffol;
Ni saif yn ffordd rhai drwg eu bryd,
Nid eiste’ ’mhlith gwatwarwŷr byd.
2Ond sydd heb wyro byth yn byw
Dan hoffi cyfraith bur ei Dduw,
Ac ar ei ddeddfau glân a rydd
Ei fryd a’i fyfyr nos a dydd.
3Bydd hwn fel pren plannedig îr
Ar lan afonydd dyfroedd clir;
Ni wywa ’i ddail, rhydd ffrwyth mewn pryd,
A’r hyn a wnel a lwydda i gyd.
4Ond am yr anwir drwg eu nwy’,
Nid felly bydd eu helynt hwy;
Ond fel mân us y bydd eu hynt,
A chwelir ymaith gan y gwynt.
5Am hynny ’r rhai yn anwir sydd,
Ni safant yn y farn a fydd;
Na phechaduriaid brwnt eu bai
Ynghynnulleidfa ’r cyfiawn rai.
6Canys yr Arglwydd oddi fry
A edwyn ffordd y cyfiawn cu;
Ond am yr annuwiolion gŵyr,
Difethir hwynt a’u ffordd yn llwyr.
Aktuálne označené:
Lyfr y Psalmau 1: SC1850
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.