Salmo 8
8
No pakaknikninan no Dios as kano onor no tawo
Salmo ni David.
1Apo namen a Dios namen am mavoya do atavo a parte no mondo aya o pakaknikninan mo as makarapit do hanyit o kadaday dimo. 2Yapo dira do kametdehan o mapía dana a idaday dimo. Arava o mapaparin da no omlaban sa dimo as pabhesen mo sa o somobna dimo.
3An tomangay ako as katidib ko sa do inamaog mo saya, no vohan kano vitohen do pinangayan mo sira, 4ango paro o tawo a dawa mo a manakem kano isanga. 5Amna kayan na ta pinarin mo o tawo a mahohbo kanira no angheles do maynyed a tiempo amna tayto mo na sa tinorohan so anohed kano onor 6do nakatayto mo mapanayahbo so atavo a inamaog mo do ipakapamarin no tawo. 7Sira o karnero kan baka kano madilaw sa vinyay, 8sira pa o manomanok kano among kano atavo sa inamaog do taaw am paynolayan na pa sa ya no tawo.
9Apo namen a Dios namen am mavoya do atavo a parte no mondo aya o pakaknikninan mo!
Aktuálne označené:
Salmo 8: VTSP
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 2016, Wycliffe Bible Translators, Inc. All rights reserved.