रोमि 2
2
परमेश्वरोओ धर्मी न्याय
1ओमे ऐ दोष लगाडनारा तू कोडू केहे ने होय तू निरन्तर होय काहाके जी गोठीई मेहे तू दिहरापो ओ दोष लागडल्यु होय तीज गोठीई मेहे आपाहा स्वतःहा दोषी थोरावत्ल्यु होय, याआ कोअता का तू जो स्वतःहा दोष लागतल्यु होय स्वतः बी तोज काम कोत्ल्यु होय. 2आमाहा मालूमे होय एहलो काम कोअनारापो परमेश्वारापोरोत ठीक दंडाओ आज्ञा उवे. 3ओ महांआ, तू जे एहेलू एहलो काम कोअनारापो दोष लागाडीत अने तांहुज ओ काम कोअत्लू नाहाकोत ओ होमजीत्लू का तू परमेश्वरोओ दंडाओ आज्ञा पोरोत वचल्लू जाइअलो? 4नाहाकोत तू तियाआ कृपा अने तियाआ सहनशीलता, धीरपणाने मालदार तुच्छ मोनोहो? नाहाकोत ओ समाजात नाहा का परमेश्वरोओ कृपा ताहु मोन बदुलुलो शिकाडीलो? 5पोन तू आपाआ कठोरपणाने अने एकदम मोनोमेहे कारनोवाही तियाआ क्रोधाअ दिहोकोअता ज्याम परमेश्वरोओ खोरो न्याय प्रगट उवे, आपाहा राग मेलविलो होय. 6तो प्रत्येकाहा ज्याआ तियाआ कामोबद्दल फोल आपही 7जो सुकर्मामध्ये स्थिर रोत गौरव अने आदरा कोईत अक्षयताची होद कोत्ले, तिया फासाडी तो सार्वकालिक जीवोन आपही, 8पोन जो वाद कोअनारू होय अने सत्याहा मानीत नाहा अने अधर्म मोनोहो तियापो राग अने खाकार पोडी. 9अने त्रस अने संकट हर एक मांहु जो वाईट कोअत्लू तियापो आवे पहीले यहुद्यावर फासाडी यूनानीवर, 10पोन गौरव अने सन्मान अने कल्याण प्रत्येकाहा जोडीत, जो पण सत्कृत्ये कोअत्लू पहीले यहुदी फासाडी यूनानीवर, 11काहाके परमेश्वर कोडाआज पक्षपात कोईत नाहा. 12याकोअता जिये नियमशास्त्र नाहा पण पाप कोल्यु ते बिना नियमशास्त्राआ नाहा पण होये जिये नियमशास्त्र नाहीत पाप कोयु तियाआ दंड नियमामेहे नुसार उवे, 13काहाके का परमेश्वरोओ शास्त्रानुसार होमलिनारे धोर्मी नाहा पण शास्त्रानुसार चालणारो धोर्मी ठेरव्यो जाय. 14जाहा अन्यजाति मांहे ज्याआ जागे नियमशास्त्र नाहा पण स्वभावमेह शास्त्राआ गोठी नुसार सालतेहे ताहा नियमशास्त्र तियापो नेअयताहा पण ते आपाहा खुद नियमशास्त्र होय. 15ते नियमशास्त्राआ गोठी आपाआ-आपाआ मोनोमेहे लेखीतमेकली देखाडत्लू अने तियाआ विवेक पण साक्ष आपे अने त्याआं विचार परस्पर दोष लागाडीत नाहा ताहा निर्दोष ठराविलु 16ज्या तेदीही परमेश्वर माआ सुवार्ते अनुसार येशु ख्रिस्ताच्या त्यापोरत मांहाहा गुप्त गोठीई न्याय कोअही तिया तेदीही ओ देखाईलो आवे. 17केधी तू यहुदी म्हणविला जात्लू अने नियमशास्त्रावर विश्वास मेकतुल्यो अने परमेश्वरोओ विषयामे खत मेकोहो, 18अने तियाआ इच्छा जाआत्लू अने नियमशास्त्राची शिक्षाम मिलवीत उत्तम गोथिहिई प्रिय मोनोहो, 19अने आपापो विश्वास मेकोहो का आय आंदला वाटाडी अने आंदाराम पोडिजानारा प्रकाश, 20अने ज्ञानाना हिकाडनारो अने हाणाआ गुरु होय अने ज्ञान अने खराआ नमुना जे नियमशास्त्राम होय, माहु जोडयेहे होय. 21आखरी; नाहाकोत तू दिहराहा हिकाडत्लू, स्वतःहा हिकाडीत नाहा नाहाकोत? नाहाकोत तू चोरी नाहा कोईलाकाजे उपदेश आप्तलू? अने खुद चोरी कोअत्लू? 22तू जे कोत्लू, व्यभिचार कोहू नाहा, नाहाकोत तुमु पण व्यभिचार कोअता? तू मूर्तीचा विटाळा कोअत्लू, नाहाकोत खुद मंदिरोम लुटनारू? 23तू जे नियमशास्त्रामध्ये खत कोअत्लू, नाहाकोत नियमशास्त्राआ नाहा मानीत परमेश्वरोओ अपमान कोअत्लू? 24काहाके का तुमाआ कारनोवाही अन्यजाति मेहे परमेश्वरोओ नावाआ निंदा कोअयी जाहो, जेहलो लेखिलो पण होय.
खतनाआ फायदु निमिले
25केधी तू नियम शास्त्रानुसार सालनारू ताहा सुंतेने लाभ होय, परंतु केधी तू नियमशास्त्राआ मान्ये नाहा ताहा ताआ सुंता बिना सुंतेए दशा ठरेल. 26याकोअता केधी सुंता रोत्लू माहाजाती व्यवस्थाची दिहरो जोह मानीत जाय ताहा तियाआ कि बिना सुंतेए दशा सुंतेच्या आरी नाहा तोली जानारू? 27अने जो मांहु शारीरिक रुपोमे बिना सुतांआ रोही केधी ओ नियमशास्त्राआ पुरो कोअयेते नाहाकोत ताहु जो लेख मिळूहुजोवे अने सुंता कोहिताहा तेबी पण नियमशास्त्र पालीलो नाहा दोषी ठराविलो नाहा? 28काहाके यहुदी तो नाहा जो प्रगटात यहुदी होय अने नाहा ते सुंता होय जे प्रगटात होय अने डीलोमेहे होय. 29पोन तू यहुदी तो होय जो मोनामेहे, अने सुंता अने आत्माम रोत होय नाहा का लेखिलो एहलो का प्रशंसा माहामोरोत नाहा पोन परमेश्वारापोरोत ओये.
Выбрано:
रोमि 2: NOINT
Выделить
Копировать
Сравнить
Поделиться
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
