रोमि 1
1
अभिवादन
1पौलासा आ वोगेरोत जो येशु ख्रिस्ताआ दास होय अने प्रेषित उविलाआ कोअता हादडल्यु गोल्यु होय अने परमेश्वरआ त्या सुसमाचाराआ कोअता अलग कोअल्यु होय 2ज्याआ तिये पेलरोत भविष्यवक्त्यांच्या त्यापोरत पवित्र शास्त्रामेहे तिया पुत्र आमाआ प्रभू येशु ख्रिस्ताच्या विषयामे प्रतिज्ञा कोअयी ओती, 3तो डीलो दृष्ट्या प्रतिज्ञा दाविदाआ वंशामेह जन्मूला आवयू 4अने पवित्र आत्माआ नोजरेवाही मोल्यांमेरोत जिवंत कोल्याआ कारनोवाही सामर्थ्याआ आरी परमेश्वरोओ पुत्र ठरवील्यु होय. 5तियाआ त्यापोरत आमाहा कृपा अने प्रेषित जागा जोडयेहे होय का तियाआ नावोओ कारनोवाही आखे जातीही मांहे विश्वास कोईत तियाहा माने, 6ज्यामेहे तुमु पण येशु ख्रिस्ताचे उविला कोअता हादिलो गोये होय. 7तिया आखाआ नाव जे रोम माय परमेश्वरोओ प्रिय होय अने पवित्र उविला कोअता हादिलो गोये होय आमाआ बाह्हू परमेश्वर अने प्रभू येशु ख्रिस्त यापोरोत तुमामे कृपा अने शांती मिलीअलो राहो.
रोम जाअलो इच्छा
8पहीले आय तुमाआ आखाहा येशु ख्रिस्ताच्या त्यापोरत आपाआ परमेश्वरोओ आभार मानिहू तुमाआ विश्वासाआ चर्चा आखो जगात उवनारा होय. 9परमेश्वर ज्याआ सेवा मेहे आपाआ आत्मावांहि तियाआ पुत्राच्या सुवार्ताआ विषयामे कोयु होय तोज माआ साक्षी होय का आय तुमामे कोडला प्रकारे ओर कोईत रोतलू, 10अने हमेशा आपाआ प्रार्थनामे विनंती कोअत्लू का कोडला रीतीवाही ओमे तुमाही आविलो मार्ग परमेश्वरोओ इच्छावाहि मोकलु ओवो. 11काहाके आय तुमामे मिलुहु कोअता लालसा कोअत्लू का आय तुमामे कोठले आत्मिक वरदान आपुहू ज्याआपोरोत तुमु स्थिर ओतगोयु, 12अर्थात ओ जांहा आय तुमामे रोही ताहा तुमु तियाअ विश्वासाआ त्यापोरत जो मामेहे अने तुमामे एक दिहराहा त्यापोरोत प्रोत्साहन मिळूहुजोवे. 13जो पाही नाहा जोवे का तुमु तियापरोत अनोळखाती नाहा रोतलू का आय फासी-फासी तुमाही आवहू इच्छितो का जेहलो माहु अन्यजाति मेहे फोल जोडयेहे, तेहलूज तुमामे पण जोळे परंतु ओमे पर्यंत ऊबोराखिले गोये. 14आय यूनानी अने अन्य भाषांच्या, अने ज्ञानी अने अज्ञानींचा कर्जदार होय. 15आखरी आय तुमामे पण जे रोममध्ये रोत्ले, सुसमाचार होम्लाडीनारू अगदी उत्सुक होय.
धर्मी विश्वास सी जीवे
16काहाके का आय सुवार्तेने लाजवात्लो नाहा, याकोअता का तो हर एक विश्वास कोनाराकोता पहीले ताहा यहुद्यांसाठी फासाडी यूनानी याकोअता उद्धाराच्या निमित्ताने परमेश्वरोओ सामर्थ्य होय. 17काहाके तीयाम परमेश्वर धार्मिकता विश्वास सी विश्वासापोरेत प्रगट ओये, जेहलो लेखिलो होय, विश्वासा धोर्मी जोओ जिवंत रोय.
अधार्मिकता पोओ परमेश्वरोओ खोत
18परमेश्वरोओ राग ताहा तियाअ मांहाहा आखे अभक्ती अने अधर्मावर होर्गामरोत प्रगट ओये जो सत्याहा अधर्मा पासून पावून मेकोहो. 19याकोअता का परमेश्वरोओ विषयाहा ज्ञान तियाआ मोनुमे प्रगट होय, काहाके का परमेश्वराने तियापो प्रगट कोल्यु होय. 20तीयाम निकालो गुण अर्थात तियाआ अनंतकाल सामर्थ्य अने परमेश्वरुज सृष्टीच्या निर्मिती पासून तियाआ कामाआ त्यापोरत पालीलो आव्ये होय इहिंजा का ते निरंतर होय. 21याज कारनोवाही का परमेश्वरोओ ओलखील्यो पण तिये परमेश्वरोओ योग्य गौरव अने आभार मान्ये नाहा परंतु व्यर्थ जवडीत कोअला लागाडीत ईहि पर्यंत का त्याआं निर्बुद्धी मोन आंदारो उवे. 22ते आपाआ पाप शहाणे मानीत फोगु बोणीत गोये, 23अने अविनाशी परमेश्वरोओ गौरवाला नाश उवानारो मांहु अने सिडे चतुष्पाद, अने होरकीज किडा प्रतिमेच्या रुपशी अदला बदल कोअयी. 24याज कारनोवाही परमेश्वराने तिये तियाआ मोनाआ अभिलाषाआ अनुसार अशुद्धते साठी सोडीत आप्लु का ते आपसामेहे आपाआ डीलाआ अनादर कोआ. 25काहाके तिये परमेश्वरोओ हाजो कोनारो बोद्लीत खोटो बोणाडीत टाक्ये होय अने निमिर्तीची उपासना अने सेवा नाहा अने तियाअ निर्माण कोअनारा जो कायम धन्य होय आमेन. 26याकोअता परमेश्वराने तियाहा दुर्वासनेच्या वंशामेह सोडीत आप्योताहा का तियाआ बुईही पण स्वाभाविक उपभोगाला तियाआ जे स्वभावोओ विरूध होय बोद्लीत टाक्ये. 27तेहलूज माहु पण बोअयीही आरी नैसर्गिक उपभोग सोडीत परस्पर कम ने कोइला ओतगोयु माहु माटी आरी हादाड्यू कर्म कोईत आपाआ मोऱ्याआ योग्य काळा जोडयेहे. 28जाहा तिये परमेश्वरोओ ओलखुहू इच्छिले नाहा ताहा परमेश्वराई पण तिये तियाआ निक्कामे मनापो सोडीत आप्लु का ते हादाड्यू काम कोआ. 29याकोअता ते आखे एह्लाम अधर्म अने खराब पणा लोभ अने वाईट पणा पोअल्ये होय अने हेवा, हत्या, चुलाल्यु, छळ अने इर्ष्यानी ओतगोयु गोये, अने लागाडीलो खरिज, 30निंदा कोअनारे, परमेश्वरोओ हगवाड्या कोअनारे, दिहराआ अपमान कोअनारे, डिंगमार वाईट गोठी कोअनारे, आयो भाहा आज्ञा न पलनारू, 31निर्बुद्धी, वचन भंग, दयाहीन, अने निर्दय ओतगोयु. 32ते ताहा परमेश्वरोओ ओ विधी तियाहा मालूमे होय का एहलो तेहलूज काम कोअनारे मोअल्यो च्या शिक्षाआ योग्य होय एतुच नाहा ताहा फक्त तुमु ए एहलो काम कोअता नाहा ताहा फक्त तुमु ए एहलो काम कोअता नहाते कोअनारापो प्रसन्न पण ओये.
Выбрано:
रोमि 1: NOINT
Выделить
Копировать
Сравнить
Поделиться
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
