Yoh MALOŴE GANDANDA
MALOŴE GANDANDA
Ngani Syambone sya Yesu Klistu syakulembedwa ni Yohane sikumlosya Yesu mpela Liloŵe lya Mlungu lyangali ndande ni mbesi, juŵaŵele “mundu ni ŵatemi pasikati petu” (1:14). Mpela mujikuŵecetela buku jisyenejo kuti, syele Ngani Syambonesi ŵasilembile kuti ŵakuŵalanga ŵakwe akulupilile kuti Yesu ni Mkulupusyo jwakulocesedwa, Mwanace jwa Mlungu, ni kuti kupitila mcikulupi cawo mwa jwalakwe akukomboleka kukola umi (20:31).
Panyuma pa maloŵe gandanda gagakulandanya Liloŵe lyangali ndande ni mbesi lya Mlungu ni Yesu, mbali jandanda ja Ngani Syambonesi sikulosya yakusimonjesya yakulekanganalekangana yayikulosya kuti Yesu ni Mkulupusyo jwakulocesyedwa, Mwanace jwa Mlungu. Yeleyi yikuyana ni ndandanda jijikusala yayikuwoneka mwa yakusimonjesyayo. Aji mbali ja bukuji jikusala muŵakulupilile mwakwe ŵandu ŵane mwa Yesu ni kuŵa ŵakumkuya ŵakwe, kutendaga ŵane ŵasisyene najo ni ŵakanile kukulupilila. Mitwe ja 13-17 alembile mnopemnope ya ulongo wa Yesu ni ŵakulijiganya ŵakwe ya cilo ciŵamkamwile, ni maloŵe gakwe gakwatetela kuti alilinganye ni kwalimbikasya jemanjajo ya cilo cakumkomela pa msalaba. Macaputala gakumalicisya gakusala ya kumkamula Yesu ni kumjimba magambo, kumkomela pa msalaba ni kwimuka kwakwe ku ŵawe, ni kuwonecela kwa ŵakulijiganya ŵakwe ali ajimwice ku ŵawe.
Ngani ja jwamkongwe juŵamkamwile ali mkutenda cikululu (8:1-11) ngajikusimanikwa m'malemba gamajinji nipo kugopolela kwa kala ŵajilesile jele nganijo, kutendaga ŵane ajilembile m'malo gane.
Yohaneakusimicisya ya mtuka wa umi wangamala kupitila mwa Klistu, mtuka uwukutanda sambano jino ni ukwika kwa ŵele ŵakumjiticisya Yesu mpela litala, jwakuwonawonape, ni umi. Cindu cine cangaliŵalicika ca Yohanecili kukamulisya masengo yimanyililo ya yindu wamba kutyocela ku umi wa lisiku ni lisiku kuti alosye ku yindu ya usimu yisyesyene, mpela mesi, mikate, nyali, mkucinga jwa yilangwa ni ngondolo syakwe, ni citela ca mpeleya ni yisogosi yakwe.
Mitwe ja ya mkatimu
Maloŵe gandanda 1:1-18
Yohane M'batisi ni ŵakulijiganya ŵandanda ŵa Yesu 1:19-51
Undumetume wa Yesu wa pelanguka 2:1—12:50
Masiku gakumalicisya mu Yelusalemu ni ciŵandika ku Yelusalemu 13:1—19:42
Kwimuka ku ŵawe ni kuwonecela kwa Ambuje 20:1-31
Maloŵe gambesi: kuwonecela kwine m'Galileya 21:1-25
Выбрано:
Yoh MALOŴE GANDANDA: YAWO
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Chiyawo Bible: Buku Jeswela © Bible Society of Malawi, 2014