Известные библейские стихи из Первое послание апостола Иоанна 4

Страха несть в любви, но совершенна любы вон изгоняет страх, яко страх муку имать: бояйся же не совершися в любви.

Вы от Бога есте, чадца, и победисте тех: яко болий есть иже в вас, нежели иже в мире.

Мы любим его, яко той первее возлюбил есть нас.

Возлюбленнии, возлюбим друг друга, яко любы от Бога есть, и всяк любяй от Бога рожден есть, и знает Бога

а не любяй не позна Бога, яко Бог любы есть.

О сем есть любы, не яко мы возлюбихом Бога, но яко той возлюби нас, и посла Сына своего очищение о гресех наших.

Возлюбленнии, аще сице возлюбил есть нас Бог, и мы должни есмы друг друга любити.

О сем явися любы Божия в нас, яко Сына своего единороднаго посла Бог в мир, да живи будем им.

Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, егоже не виде, како может любити?

Иже аще исповесть, яко Иисус есть Сын Божий, Бог в нем пребывает, и той в Бозе.

И сию заповедь имамы от него, да любяй Бога любит и брата своего.

Возлюбленнии, не всякому духу веруйте, но искушайте духи, аще от Бога суть: яко мнози лжепророцы изыдоша в мир. О сем познавайте Духа Божия и духа лестча: всяк дух, иже исповедует Иисуса Христа во Плоти пришедша, от Бога есть

и всяк дух, иже не исповедует Иисуса Христа во Плоти пришедша, от Бога несть: и сей есть антихристов, егоже слышасте, яко грядет, и ныне в мире есть уже.