Известные библейские стихи из MATHE 5

Поделиться

Myikaug' re te' mung: ban" yang mamaug: lhaung" to" qu"- Yham khug mae na: ra" mo, alhab' re bao byid: nae" qhid' mae myikaug' tao" dao mae lhaung" zhaung: to" ako". Ai we' dakhyo: byu jham wa naonhaung" kad' ra" gai: ra" mau" zo" jham re the' myao mung: mug:gaung dao mae na: ra" naonhaung" Pho" re caung:khin" byid: vageshao: naonhaung" bo" bao re byu jham: qhid' kheim: mae bao byid' to: ge,

Naonhaung" wa mug: myid: bo" bao ngad: ako"- Bug gaung dao mae te" to" ra" vogaung: re maqo" go: to: ngad: ra".

Nhag' lam: san sin" mo, wa ngaui lho" ko" ra"- Pe"mung:ga"re yao: bam wa- Mao"So re qhug' myao: li" genae".

Mao"So myid o: ra" khyo re phug' cao" nae" moe, shab' ra" mo, wa ngaui lho" ko" ra"- Pe"mung:ga"re- Mao"So wa yao: bam re nhag' dag nhao: li" nae".

Ngadqere: ngo naonhaung" re ta" ru wa naonhaung" re yhin" ra" mo; qhid' mae" akyu" mho' byid: ge,.

Byo mae myaung sho: beim" ra" mo, wa- ngaui lho" ko" ra"- Pe"mung:ga"re mug:gaung: mung"dan: wa yao: bam: mung"dan: ngad: ra".

Mang: dae ba: tae" ra" mo, wa ngaui lho" ko" ra"- Pe"mung:ga"re yao: bam re Mao"So: yao: zo: qe ga: mhang" li" genae".

Kaug' qhui: ra" mo, wa ngaui lho" ko" ra"- Pe"mung:ga"re Mao"So wa yao: bam re nhag' tang" byid' li" nae".

Mao"So myid o: ra" khyo re phug' cao" yang: yhin" ru qhug' ra" mo, wa ngaui lho" ko" ra"- Pe"mung: ga: re Mug:gaung: mung"dan: wa yao: bam: mung"dan: ngad: ra".

Nhag' ba: khyag' ra" mo, wa- ngaui lho" ko" ra"- Pe"mung:ga"re Mao"So wa yao: bam re nhag' khyag' yu: li" nae".

Nga" mathao: yang byu qe wa naonhaung" re maphug' makhyad' kad' ru we' yhin" mung: madang: ra" khyo" qobo vhin mung: ta" gelao"- naonhaung" wa ngaui lho" ko" ra"- Ngaui bau: ngaui lho" na ge,- pe"mung:ga"re mug:gaung: mung"dan: mae naonhaung" aphug' jhaung qhu" wa gyai qi" ra". Naonhaung" qhid' au: mae" lapa qere re: yao: bam airu: za: yhin" avako".

Nhag' lam: nau" nhae" ra" mo, wa ngaui lho" ko" ra"- Pe"mung:ga"re yao: bam wa Mao"So: dao:so: to" ra" shaman" jeju re yao: bam qo" khae: yu genae".

Naonhaung" wa myid gaung: dao: xo: ngad: ako". Ngadqere: xo: wa ngae: ra" ru shao" byaug lao" ai: xo: re dam: ngae sho' magai: kad' yu lo:ngad: ra". Ai: xo: wa pe" akyu" mabo loyang: taung gaung khyo shapye' pye' mung: byu jham zab: nhae" pye' ko" ra".

Amung: mug:gaung dao mae" naonhaung" Pho" wa jab byang" ru we' dakhyo: naonhaung" re: jab byang" na ge,.

Airumung:- naonhaung" dao: wa- ngad lao" wa ngad va" ein: mangad: lao" wa mangad: ein: za: ta" ge,- aimae" je: ra" naonhaung" ta" ra" dao: wa makhyang" ra" yaug mae" lo: ra" dao: ngad: ra".

myo,jid' qhid' mae" myo,jid'- zaui qhid' mae" zaui dam: tug' ca" ga" ra" dao: re naonhaung" gyo" qu" vako" ra". Ngadqere: ngo naonhaung" re ta" ru wa- Nao re magai kad' ra" yaug re lage, daphaug' wa- Ni" lo, yo shad' boqae pyo' yaug re lo, kaung: shad' rere: pyo' nhao shi: wa

Amung: ni" lo, yo shad' myo,jid' yang nao re qobo kad' nhao: ngad: re wa ai: myo,jid' re thad' shalhaui" pye' wa,- pe"mung:ga"re ni" gaung geim" myiqid tham: khyo gyo" lo" nae" tho' ni" gaung mae" dadau qeim: byaug: ru wa je: gai shi" ra". Ni" lo, yo lo; yang nao re qobo kad' nhao: ngad: re wa ai: lo, re qam" phyid' pye' wa,- pe"mung:ga"re ni" gaung geim" myiqid tham: khyo gyo" lo" nae" tho' ni" gaung dadau qeim: byaug: ru wa ni" qhid' mae" je: gai shi" ra".