Известные библейские стихи из Pigane Binigo 22

Поделиться

Ani buwa dindi ogoni, Anduane Homogohanda Ngiaga ka, lalu Abarahamahanda mini ogoni wini. Wali agali áyu karu tiguabi, Anduane Homogonaga hari ogoriani mbirale buru palego ngiaga ka, laga nga.

Ani layagola Ngode Datagaliwabehanda lalu, Í̱ igini mbiraore hangu gubalini hariligoni haru halu Moraia dindiha hari mbira i̱na walia holeberogoha pobe. Hari ogoriani í̱na Aisaga i̱hondo loma bialu irani bo delabe, lene.

Ani layagola dahuliyali biagome lalu, Í̱naga igini mbiraore ogoni hangu mo ko halu ba nabulego ibu pume dabaho ngeledegoni hadapeha. Í̱na ogonidagua beregome Ngode Datagaliwabenaga andaneha ko lalu walia harigo manda bidogoni, lene.

Ani layagola Abarahamahanda ladai bialu lalu, Igini-o iyame lomabu delabiya nogo sibi igini hungubalua Ngode Datagaliwabe ibunime ngulebirago, lene.

Ai i̱na í̱hondo mana bayale dege berogola í̱naga waneigini aguanebi aguanalirubi ti dewaore harini yapibiya kaligobi halu iba angeniha ibamu ngaligobi holebira. Ani buwa mani tigua tinaga waitigi karu bo podalu uruninaga dindini tano ngaru ti aribia howa karulo holebira. Í̱na i̱naga bi hale halu bia larudagua birigonaga i̱na í̱nibi í̱naga aguanene mani holebirarubi tí bibahende biamogo bialu kogo hondowa wali agali dindi bibahendeha karu tigua nde i̱hondo lalu, Inabi biamogo biahabe, lalu holebira, lene.

Mani Ngode Datagaliwabehanda Abarahama ba hondole ibu olowa lalu, Abarahama-o, layagola Abarahama ibugua ladai bialu, Ya-o i̱ kogoni, lene.

Bole manda bialu heaore Anduane Homogonaga dahuliyali mbirame dahuliya andagaha howa olalu lalu, Abarahama-o Abarahama-o, layagola Abarahamahanda ladai bialu lalu, Ya-o i̱ kogoni, lene.

Anduane Homogonaga dahuliyalime Abarahama halu mende olowa bi ogodagua lamini. Anduane Homogo i̱na i̱ninaga minini howa bi heneneore mbira agua laro. Í̱naga igini mbira hanguda lowa wa naharigodago i̱na í̱hondo mana bayaleore bulebero.

Ani lalu libu hari nene polebiribigoria anda puwa lomabu delaga dabu mbira abale bu helowa ira gabu yaribigo ogoriani manda mandabu ngelene. Ani ngelowa Abarahamahanda ibu igini Aisaganaga gi ge pume minu kabu buwa ira gabu manda mandabu ngelayagoria wia dambi hene.