Известные библейские стихи из Mat. 5

Nechibani avabasiri vechichiisa pashi pechitundu, asi pachigadzikiro pacho, nacho chinojekisa veshe vari mumhatso. Ngokudaro ngakujeke kujeka kwenyu pamberi pevanhu, kuti vaone mishando yenyu yakanaka, vairikidze Baba enyu ari mudenga.

Imwimwi muri kujeka kwenyika. Guta rakaakwa padera pomutunhu aringafishiki.

Vanomuchena avo vanemwoyo wakachena, ngokuti vanozoona Mwari.

Vanomuchena avo vane nzara nenyota ngokuda kururama, ngokuti vanozogutiswa.

Asi inini ndinoti kwomuri, idai magaa enyu, muvakumbirire avo vanomutambudza

“Vanomuchena varombo vomweya, ngokuti ngehwavo umambo hwomudenga.

Vanomuchena vaiyanisi, ngokuti vanozozwi vana Mwari.

Vanomuchena vanotsumba, ngokuti vanozoembedzerwa.

Vanomuchena avo vanotambudzwa ngendaa yokururama, ngokuti umambo hwomudenga ngehwavo.

Vanomuchena avo vanenyasha, ngokuti vanozoitirwa nyasha.

“Munomuchena apo mwootukwa, mwootambudzwa, mwooreiwa mazwi eshe akashata okunyepa ngepamusoro pangu. Dakarai, mwechidakara kakurutu; ngokuti musharo wenyu mukuru mudenga; ngokuti ngokudaro vakatambudza vaprofeti avo vaiya pamberi penyu.

Vanomuchena vakapfaa, ngokuti vanozogara nhaka yomunyika.

“Imwimwi muri munyu wenyika, asi kuti munyu warasha kunaka kwawo, ungachazorungwa ngenyi? Sure kweizvi auchanakiri chiro, kwega kurashwa kubanze nokutsikwa-tsikwa ngevanhu.

Ndizvo imwimwi itai vakaperera, kudai ndiBaba enyu ari mudenga vakaperera.

Asi kuereketa kwenyu ngakuite, ‘Eya, eya,’ nokuti, ‘Haiwa, haiwa;’ ngokuti zveshe izvo zvinopinda izvi zvinobva kuneuwo wakashata.

“Mwakazwa kuti kwakaronzwa kuti, ‘Dziso ngendaa yedziso, nezino ngendaa yezino.’ Asi inini ndinoti kwomuri, usarwisana nouwo wakashata. Asi iye unozokurova padama rako rokumudyo, wechipindurira kwaari rimwenizve.

Asi kudai dziso rako rokumudyo rechikupumhunisa, ribvite, urirashe kubva kwouri; ngokuti kwakapinda kunaka kwouri kuti chimwe chenhengo dzemuiri wako chife, kunekuti muiri wako weshe ukandirwe muGehena. Kuti nyara yako yokumudyo yechikupumhunisa, iteme, uirashe kubva kwouri; ngokuti kwakapinda kunaka kwouri kuti chimwe chenhengo dzemuiri wako chife, kunekuti muiri wako weshe urashwe muGehena.