Versete biblice populare din Rechta 6

Împărtășește

Dan openboad däm HARN sien Enjel sikj to am un säd to am: De HAR met die, du Kjrieja met eenen Helden Moot!

De HAR oba dreid sikj no am un säd: Go han en diene Krauft waut du hast; du saust Israel ut de Midianita äare Henj raden. Horch, ekj hab die jeschekjt!

Dan säd de HAR to am: Ekj woa die biestonen, soo daut du de Midianita dolschlonen woascht aus eenen Maun.

Gideon oba säd to am: Hool mie daut togood, mien HAR! Wan Gott werkjlich met ons es, woo kunn ons dan sooväl Ojjlekj trafen? Onse Vodasch haben ons doch emma wada vetalt: De HAR haft ons ut Ägipten hiahan jefieet. Wua sent dan nu aul siene Wunda jebläwen? De HAR haft ons em Stäakj jeloten un ons en de Midianita äare Henj jejäft.

Hee oba säd to am: Mien HAR, met waut saul ekj Israel raden? Miene Grupp es de kjlanste em gaunzen Staum Manasse, un ekj sie de jinjsta en miene Famielje.

Däm HARN sien Enjel kjeem un sad sikj unja däm Ieekjenboom bie Ofra. De Plauz jehieed to daut Gruntstekj von Joasch, eenen Maun ut Abieser siene Grupp. Un sien Sän Gideon wia jrod doabie, en däm doa dichtbie ligjenden Wienkjala Weit to draschen, om dän ver de Midianita en Sechaheit to brinjen.

Dan bud Gideon däm HARN doa eenen Aultoa un nand däm “De HAR es Fräd”. Dee Aultoa steit noch bat disen Dach en Ofra, opp daut Launtstekj von Abieser siene Grupp.

Gideon oba säd to am: Wan ekj ver die Jnod jefungen hab, dan jeff mie een Tieekjen, daut werkjlich de HAR selfst met mie rät!

Oba de HAR säd to am: Tweschen ons es Fräd! Fercht die nich, du woascht nich stoawen.

Aus de Israeliten wada soont deeden, waut däm HARN nich jefoll, jeef de HAR an säwen Joa en de Midianita äare Jewault.