Versete biblice populare din 2. Korinta 1

Împărtășește

Ekj low Gott, dän Voda von onsem Harn Jesus Christus. Hee es een Voda, dee sikj erboarmt, un een Gott, dee onen Enj treesten deit. Hee treest ons en aul onse Trubbels. Soo kjenn wie aundre en äare Trubbels uk treesten. Wie treesten an met dämselwjen Troost, dän wie von Gott jekjräajen haben.

Soo sea aus daut lieden fa Christus en ons Läwen nenn kjemt, soo sea kjemt uk Gott sien Troost äwa ons.

Wie feelden, wie wudden stoawen motten. Oba dit passieed doawäajen, daut wie ons nich opp ons selfst, oba opp Gott veloten sullen, dee de Doodes oppwakjt.

Daut es Gott, dee ons met junt toop en Christus fauststonen lat un ons toom Deenst enjesäajent haft. Hee haft ons fa sikj jestampelt. Hee haft ons sienen Jeist en ons Hoat jejäft aus eene Garantie fa daut waut noch komen saul.

Wan wie lieden motten, passieet daut doatoo, daut jie jetreest un jerat woaren. Un wan wie jetreest woaren, dan deent daut doatoo, daut jie staunthauft un jeduldich bliewen en soone lieden aus wie uk derchgonen motten.