Versete biblice populare din MRK 13

Împărtășește

इंगा ना फेर इचांग आंता मंदी मिद कोफाम शेशार, पण यवाड आखरी नंताक टीकाशी वानदे तारण आय्यी.”

सावध उंडा, प्रार्थनाला मेल्का उंडा येनटीक की आदी वेळ यप्पुड वच्ची इदी मिक यरका लेद.

यप्पुड वार मिमलान तुरुंगला येशी चौकशी इचांग यकोच्यार आप्पुड पहिलाने मीर येम माटलाडा बेक दिंदी काळजी शेयाकुंडा, येनटीक की आप्पुडे सुचाय मतेदेंक वच्ची आदी माटलाडाना, येनटीक की माटलाडेतोर मीर लेर तर पवित्र आत्मा मी इचांग माटलाडी.

मोडाम इंगा पृथ्वी नष्ट आय फोई पण नाय वचनलु नष्ट काक फोई.”

“आ दिनमु बद्दल लेकाते आ वेळ बद्दल यवारकीच यरका लेद, स्वर्गलोन स्वर्गदुतलाक पण लेद इंगा कोडकुक पण लेद. फक्त आब्बानकी यरका उंडाद.

यप्पुड मीर युद्धला बद्दल इंगा युद्धला अफवाल बद्दल इन्यार आप्पुड यरस्कुनाकुंडा. इदी नक्की आय्यीच. पण दिनता शेवट काक फोई.

दिनिचांग मीर मेल्का उंडा, येनटीक की इल्लु मालकुड यप्पुड वच्ची इदी मिक यरका लेद. वाड फद्‍दु मुनगेताप्पुड, निम्मा मोब्बुल्ला, फद्दीना कोडी आरवाकाना मुंची लेकाते फद्दीना यप्पुड वच्ची इदी मिक यरका लेद. जर वाड अचानक वच्या तर मिमलान निद्दारला उंडेताप्पुड सुडाराद. येम मिक शपतान, आदी आंदारकी शपतान, मेल्का उंडा.”

वगा राष्ट्र इंगोगो राष्ट्र मिंदा लेशी, वगा राज्य दुसरा राज्य मिंदा लेशी, जागा-जागा मिंदा भुकंप आय्यी इंगा दुष्काळ फडी. पण इ माटलू आंटे नाशदी सुरुवात उंडाद.”

इ माटलु घडाशेकाना मुंची आन्नी राष्ट्रला सुवार्ताद घोषणा कावाने बेक.

शेंगेम मंदी ना फेरता वच्यार इंगा आन्यार की, ‘निन ख्रिस्त उंडान’ इंगा वार शेंगेम मंदीन फसाय मत्यार.

“मीर सावध उंडना. वार मिमलान न्यायालयला इच्यार इंगा सभास्थानला मिमलान देब्बाल मत्यार. वारकी साक्ष कावाला दिनिचांग मिक राज्यपाल इंगा राजाल नीला फडाबेक आय्यी.

येनटीक की खोटा ख्रिस्त इंगा खोटा संदेष्ट्याल नीला फड्यार इंगा शक्य आयते तर वार निवडाशीने मंदीन फसाय मतेदेंक चिन्हल इंगा आश्चर्यय फनुल शेशार.

पण आ दिनमुलाला इ संकटलु वच्ची फोईनेंका, “सूर्य नल्लांग फडी फोई, चंद्र यलगु इयाक फोई.” “मोडाम लोन्केल सुक्काल फडी फोई इंगा मोडामला शक्तील हालाशी फोई.”