Versete biblice populare din روما 12

Împărtășește

ا‑ور‑تسكارم زوند مدّن ن‑دّونيت‑اد، والاينّي ادجات ربّي ا‑كُن‑يرار ا‑تگم لجديد، ءيبدّل كولّو تينباضين لّعاقل‑نّون. غمكان ا‑س‑را‑تيسّانم ما‑گيگون‑يتّيري ربّي ءيفولكي ءيرضو سرس يوف كولّو كرا ءيلّان.

ماياد ا‑ف‑را‑كُن‑ضالبغ اي‑ايتما، ف‑سّيبت ن‑رّحمت ن‑ربّي لّي‑يگّوتن، اد‑اس‑تفكم ءيخف‑نّون زوند تيغرسي ءيدّرن ءيژلين لّي‑س‑را‑يرضو، اشكو غمكان ا‑س‑كُن‑د‑يقّان ا‑تي‑تّعبادم.

فرحات غ‑رّجا، تصبرم غ‑ترفوفنت، تزايدم غ‑تژولّا.

ا‑ور‑تادجم لخُشانت ا‑كُن‑تنرو، والاينّي تنروات لخُشانت س‑وفولكي.

تحوبّوات ءي‑نگراتون غمكلّي تمحوبّون ايتماتن، ار‑يتّيري كرايگاتّ يان ا‑يوقّر وايّاض ءوگُّار ن‑يخف‑نس.

تحنّوات غ‑ينگراتون س‑نّييت ءيصفان، ار‑تّكرهوم اينّا يُخشنّ، ار‑تّامژم غ‑اينّا ءيفولكين.

گات‑ن تيقّي‑نّون ا‑تسكارم كولّو ما‑مي‑تژضارم ا‑بدّا‑تيلي سّلامت غ‑گراتون د‑كولّو مدّن.

واي‑ايتما عزّانين، ا‑ور‑ترارم ءي‑يان ف‑ما‑يسكر يُخشنّ، والاينّي ادجات ربّي ا‑فلّاس‑يحكام. اشكو ءيتيارا: «غمكاد ا‑س‑ينّا سيدي ربّي، نكّي ا‑را‑يرار ءي‑مدّن ف‑ماد‑سكرن، فكغ‑اسن ماد‑اسن‑يگان.»

خدمات ءي‑سيديتنّغ س‑زّعامت ن‑رّوح ءيتجهّدن بلا‑دا‑تّرمايم.

ربّي اد‑يّي‑يفكان لباراكا‑ياد ايلّيغ ژضارغ اد‑ينيغ ءي‑كرايگاتّ يان گيگون: ا‑ور‑تغالت د‑يخف‑نّك ءيس‑تگيت ءوگُّار ن‑ما‑تگيت والاينّي سوينگيم س‑لمعقول، كرايگاتّ يان د‑ونشك نّا‑ياس‑يفكا ربّي ليمان.

ءيغ‑يلّا ماد‑اون‑يسكرن ما‑يُخشنّ اد‑اس‑ت‑ور‑ترارم س‑لخُشانت، والاينّي تاويات‑ستّ غ‑يخف‑نّون ا‑تسكارم ما‑ف‑راد‑اكّان كولّو مدّن توگّا ن‑يس‑يفولكي.

تمشاشكاد‑د‑بدّا ءي‑نگراتون. ا‑ور‑تسوينگيمّ غ‑ما‑يكّان نّيگاتون والاينّي تمونوات د‑ما‑يكّان دّاواتون. ا‑ور‑تگم ءيخف‑نّون د‑ويد سّنّين كولّو ما‑يلّان.

ءيمّا كيّي، سكر غمكلّي ءيتياران: «ءيغ‑تژريت انوّاش‑نّك ءينغا‑ت لاژ، تفكت‑اس ا‑يشّ، نغ‑ت‑ينغا ءيريفي، تفكت‑اس ا‑يسو. غمكاد ا‑س‑راد‑اس‑تسّگوديت تيرگيشين ف‑يخف‑نس.»

ضالبات ربّي ا‑يبارك وينّا‑كُن‑سّرفوفنّين. ا‑ور‑تي‑تّضالابم ا‑تن‑يخزو والاينّي ا‑تن‑يبارك. فرحات د‑وانّا ءيفرحن، ار‑تالّام د‑وانّا يالّان.

اكّايات ءي‑يمژلاين نّا‑يحتاجّان ار‑تسّمرحبام س‑ويلّي تمودّونين.

اشكو دّات ن‑بنادم، گّوتن گيس ءيگزمان، كرايگاتّ اگزّوم ار‑يسكار ما‑ت‑يد‑يقّانّ. ءولا نكُّني نگّوت. زوند دّات ا‑نگا، اشكو كولّواغ نگا وين لماسيح، نگ زوند ءيگزمان ن‑دّات‑نس.