Versete biblice populare din Apostole 1

Împărtășește

A kana o Santo Duo ka avel upral pe tumende, ka len zor ta ka llan te den mi orba ando Jerusalem, ande sa e Juda ta e Samaria, ta pe ttana kai si mai dur pe ppuv.

O Jesus ppenda lenge: —Inai tumenge te llanen o llive ni o vreme kai o Dad ttoda ande po gazdaripe

Ta kana saia e apostolenchar, o Jesus ppenda lenge: na llantar katar o Jerusalem. Mai sukar aduricharen te cherdol o alau kai mo Dad dia tumen ta kai me ppendemle tumenge. Chachimaia o Juan kristisarda e paiea, a nesave llivesa mai angle, tumen ka aven kristime e Santone Duoia.

Ta kana o Jesus ustilo katar o meripe sikadilo lenge, ta gia dikkle kai chachimaia saia llundo. Ta saranda llive sikadilo lenge ta dela lenge orba katar e charoina e Devleki.

Ta kana ppenda gala alava, von dikkle sar vazdinailo ando miloso ta iek oblako ucharda le ta ni dikkle le pale.

Ta kana dikkena ando miloso sar o Jesus duriola, dui llene furiade ando parnipe avile pasa lende ta ppende lenge: —Galileura, ¿soke dikken upre? Isto gava Jesus kai saia maskar tumende ta inllardilo ando miloso, ka avel pale isto gia sar dikklen le kai llaltar.