Versete biblice populare din AkwaRoma 12

Împărtășește

Mwa temununa mikarero thzo kano kaye, unone mu thsie Nyambi a mi pirure mu kaci, a pirure maano enu. Mbeci honi mwa ku twethse ku yuvithsithsa eshima ya Nyambi, ayo yoiwa, yo ku mu roerithsa, karo yo kwononoka.

Mweyo, andengenu, naa mi adikanena ko ñekeñeke thza Nyambi ci mu tupwere erama yenu kwa Nyambi kwikara thsiyambero thsothsiyumi, thsothsikenu, karo thso ku roerithsa Nyambi. Edi dyodiyo dikuñwa dyodiwa dyo ku rombera Nyambi.

Mu nyanyuke mukaci kokurupero wenu. Mu tanare micima mu makando, mu rombere ko muooto.

Mwa othziwa kumango, unone mu othze omango kowa.

Mu cishime oandu eci edi a cishima oandu ana munu yofoci, mu ciremeke oandu mu kaci kenu.

Thsishimo thsenu thsikare thso shemwa. Mu thzimbe yoimango, karo mu tanarithse yoiwa.

Mu kwame momuhe omu mu na twethsera ci mu yoye ko thsiyaro nanu wahe.

Ashimiwa ange, mwa huthsera omango, unone mu i thsiere oanthzi wa Nyambi, inene ku na ñoriwa ci: “Ditoto po dyange, kenge na ku wa kura,” Fumu aa amba.

Mwa vapa, unone mu kwame nene no ku kwamena Fumu ko mucima wenu ouhe.

Inene ko thsihemo ethsi na ni piwa naa amba ku kwenu mwahe ci mwa anekera ci mwakuru mu thsivaka kupita edi mu di. Mwikare neanekera yo ku cihuthsa kushi. Munu no munu a cirature kopa thsi kuma thsitawo ethsi naa mu pa Nyambi.

Mwa huthsera omango nomango. Mu mamere ci mwaa kwama enu eyi a na vara anu wahe ci iwa.

Mu yoye ko thsianekera thsofoci namweya. Mwa cinuneka, unone mu ambaure nowa a di kushi. Mwa cimona onyanyami.

Karo ku na ñoriwa ci: “Ngeci mukwathsithzimbo thsoe aa fa nthzara, o mu pe yo ku dya. Ngeci aa fa dinotwa, o mu pe meyu o ku nwa. Ko ku kwama kengeyo kenge wa ku rundumeka makara o mudiro o honyi pa mutwi wenthzi.”

Mu rombe Nyambi ku fiyawera awa mi nyandithsa. Mwa wa kuta, unone mu rombe Nyambi ci a wa fiyawere. Mu nyanyuke nowa a na nyanyuka, mu dire nowa a dira.

Mu citapere naenthzenu akwakutawa eyi mu di nayo o kwa na piri, karo mu tambure nawa munu yomuhe.

Dyodi i di erama yetu nepo yoingi, karo thsipo no thsipo thsi di nekwama yathso, dyo i di nerama ya Krisitu, shaanga ci twangi, twerama yofoci mwa Krisitu, twahe tu na nunganungiwa.