Versete biblice populare din Jakovo 1

Împărtășește

Andengenu, mu nyanyuke nene iereka yo mishovoshovo o ku i na mi keyera, inene mu na dimuka ci ngeci thsitawo thsenu athsopo thsi erekiwa yaa reta ci othzui wenu u kure.

Ngeci kwaa di ku kwenu oyu na foto onyanyami, a u rombe kwa Nyambi, kenge a u mu pa, aye mupe na panga anu wahe ko kupira ku kumathzeka.

Aenthzange awa na shima, mu dimuke eyi, munu yomuhe a yakame ku teerera, unone a katape ku amba no ku anthzipa.

Mu thsie othzui wenu u kure, ci mwikare o kwononoka no ku kwanenena ko kupira thsimweya thso ku fotahara.

Mwa teereranga pohuma diywi dya Nyambi, unone mwaa roera ku tenda eyi di amba, inene ngeci ka mu tendire kengeyo mwaa ciangera mwathsinda.

Wa thsiyauthzi munu o ku twethsa ku cithzua mwiereka, inene yoihe a tanara, iereka ou ya ku pita kenge a ku wana muyambo o mwoyo o diyere, ou a kumbwethzire Nyambi awa a na mu shimi.

Thsipa thsothsihe thsothsiwa no kwononoka thsaa tunda ku wiru kwa Nyambi, Tata oyu wa kwamine myethzi thzothzihe thzo diwiru, aye ka a wana mamiru eci mithzimbimbi ethzi thzi thza o thsiuruka.

Inene o ku teerera pohuma diywi dya Nyambi, unone kadi wa ku kwama eyi di amba, aa cipitura eci munu o ku cikenga thsihanga thsenthzi mu thsiponi. Uno honi yoihe a mana ku cimona no ku thza, popo aa vurama edi ekara.

Thsitawo thso shemwa thso kupira katamwethzi pa meho a Nyambi Tata wetu po: ku nyunga athsiana no mafakathzi mu makando o, no ku cinyunga kumango ouhe o mu kaye.

Munu yoihe a tumauriwa a amba ci: “Nyambi oyu ni tumaura,” inene Nyambi tumba a tumauriwa kumango, karo aye ka a tumaurangire munu. Unone munu no munu aa tumauriwa kecikumbwethza yenthzi yoimango eyi i mu hongawera ku ku kwama omango.

Mukwakutawa o hepwe aa roera ku nyanyuka Nyambi o ku na mu cimbura.