Versete biblice populare din Matè̌ 16

Împărtășește

Htodě Běcǎ Yeshǔ hî̌ akhôphijǎ tokhlǒ kû̌, “Kòyò tôpwa̤pwa̤ kè̌ sǎyṳ gû̌ hekò hî̌nu, a tôbǎ ma̤ pô̤̌ he sǎyṳnoma̤ lû̌û nutokhlǒ, a ma̤ jû̌꤮ tûû̌ asǎphlǒ mî̌ anǐ̤ tô̤̌. A bǎ ò̌htò̌ tûû̌ a nò̌dò̌htǔ dě a bǎ gû̌ hekò.

Dě he hî̌ na, nami̤ kû̌ Khûpetarǔ Dě he shǒlò̤ he ta̤dòkû dǒ lǒ̤ hǒo alô̤ pě. Ta̤si ashû̌asho lò̤jû̌ bò alǎ̤ pě.

He gǔ ǐ na mǒkhû̌ shilǎ̤gǎkû sò̌shî̌ pě. Lǒ̤꤮ bò na comě kòyò dǒ hǎkhû̌nu, Cǒmara gǔ comě kòyò dǒ mǒkhû̌ pě. Lǒ̤꤮ bò na bôphlǔ plûkè dǒ hǎkhû̌ tokhlǒnu Cǒmara bôphlǔ plûkè dǒ mǒkhû̌ pě.”

Ma̤titèhî̌dě kòyò tôpwa̤pwa̤ dǒ a sǎleǐ tûû̌ a ta̤htûpwa̤nu, a gǔ si tûjû̌pwa̤ talakhǎ pě. Bǎbǎkǎlè kòyò dǒ a tṳ̌sikhòsi ata̤htûpwa̤ dǒ heya tôpwa̤pwa̤nu a gǔ nǐ̤bǎ ta̤htûpwa̤ tûjû̌pwa̤ pě.

Kòyò tôpwa̤pwa̤ kè̌ nǐ̤bǎ bò hǎkhû̌běkhû̌ a ta̤dû̌yò̤̌htò̌sa tokhlǒ bǎbǎkǎlè a kè̌ lò̤jû̌kè a yôla htûpwa̤ tûjû̌pwa̤ hî̌nu anǐ̤bwǐsîrî dǒ aya mî̌titè? Kòyò dǒ a sǎyṳ nǐ̤bǎ getîkhî sô̌ a yôla htûpwa̤ tûjû̌pwa̤ tôpwa̤pwa̤nu ta̤dû̌yò̤̌htò̌sa dǒ a gǔ pwî̤bò̌ kû̌ a yôla htûpwa̤nu a ô̌ tocǒ tô̤̌.

“Bǎbǎkǎlè, sî nulè, sî gǔ hî̌ he kû̌ mò̌pè?” A hî̌ dě. Khûshǐmû Petarǔ hî̌shěshu lû̌û kû̌, “Na mî̌ Khrǐ dǒ a ma̤hǎplǎge kòyò tôpwa̤ hǒ. Na mî̌ Cǒmara dǒ a htûpwa̤ tôpwa̤ aphû̌khû.”

Dě Běcǎ Yeshǔ hî̌shěshu lû̌û kû̌, “Phayṳ̂nǎ aphû̌khû Khûshǐmû, Cǒmara ǐshowî̤ na hǒ, ma̤titè̌hî̌dě hǒnumî̌ kòyòhǎkhû̌phû̌ dǐsî̌ganǎ̤ htò̌lṳ̌ na mè̤̌tô̤̌, amè̤̌pwǎ kû̌ pha Cǒmara dǒ mǒkhû̌ tôpwa̤ dǐsî̌ganǎ̤ htò̌lṳ̌ na pwǎ.