Versete biblice populare din Matè̌ 13

Împărtășește

Ta̤khli dǒ a lò̤tě̤tô dǒ hǎplǒhǎyî̌khû̌ tokhlǒ numî̌ asô̌sô̌kû̌ kòyò dǒ a ganǎ̤de Cǒmara alě̤ayô̤̌ dě a sî̌yaphlô nutokhlǒ hǒ. Kòyò hǒtokhlǒnu asǎ dû̌htò̌ tǒ̤ dǒ aplǎ tôya̤, aplǎ shisusô̌, aplǎ sushi.”

Ta̤khli dǒ a lò̤tě̤ dǒ ta̤shî̌shô̌mṳ̌ akla nutokhlǒ mî̌ asô̌sô̌kû̌ kòyò dǒ a ganǎ̤de Cǒmara alě̤ayô̤̌ bǎbǎkǎlè a bǎgû̌bǎgè̌ ǐ tûû̌ kû̌ a ta̤ô̌htûpwa̤ htodě a lě̤ sǎyṳ dû̌yò̤̌htò̌sa lô̌khô akhû̌akhî, lǒ̤bò ta̤hǒtokhlǒnu a plû̌bǐkhè̌bǐ bòkè lû̌û dě asǎaphô htò̌bò̌ petô̤̌.

Bǎ kòyò tôpwa̤pwa̤ ganǎ̤dephlô Cǒmara ashiagǎ ta̤we̤ta̤kè dě a sî̌yaphlô tô̤̌ tokhlǒ numî̌ asô̌sô̌kû̌ ta̤khli lò̤tě̤ dǒ klè̌dakû. Dě hǎkhû̌tana hèphî̌ tephekè ta̤khli dǒ kòyò wǐ̤lò̤ dǒ asî sǎphlǒkû nutokhlǒ.

Ta̤khli dǒ a lò̤tě̤tô dǒ lǒ̤seměkla tokhlǒ numî̌ asô̌sô̌kû̌ kòyò dǒ a ganǎ̤de Cǒmara alě̤ayô̤̌ dě taplǎnô̤̌ a sǎlě̤sǎlò̤ phî̌ shěshu nutokhlǒ hǒ. Bǎbǎkǎlè a yṳ̌ǎ lô̌khô tòshò̌phû̌ nô̤̌pwǎ, ma̤titè̌hî̌dě Cǒmara alě̤ayô̤̌nu, a nṳ̌ ô̌měô̌gle dǒ asî sǎphlǒkû tô̤̌. Dǒ asî yṳ̌ǎ Cǒmara alě̤ayô̤̌nu akhû̌akhî, a khòbǎ ta̤pò̤̌ta̤sha, ta̤ma̤jî̌ma̤jû̌ dě a wîkèsô̌ a ta̤yṳ̌ta̤nǎ̤.

“Mǒkhû̌ a shilǎ̤gǎkû mî̌ asô̌sô̌kû̌ kòyò cû̌bè̌ û̌ ta̤lě̤dû̌pwî̤htû dǒ hǔkla tôlǎ̤ alǎ̤nu hǒ. Bǎ kòyò tôpwa̤ cû̌kè̌shǐ ta̤nu akha, a ma̤bǐ sô̌ lû̌û dě a sǎlě̤sǎlò̤ dě a ge dǒ ahǐ. Dě a shaǎkè bò a ta̤kî̌ta̤krû̌ tokhlǒ dě a pwî̤ kû̌ hǔklanu tôlǎ̤.

Bǎbǎkǎlè tokhlǒkhlǒnu a lò̤tě̤tô dǒ hǎplǒhǎyî̌khû̌ dě a phôhtò̌ dě asǎhtò̌phôhtò̌ dû̌wî̤ aplǎ tôya̤, aplǎ shisusô̌, aplǎ sushi.

No dû̌htò̌ wô̤̌wô̤̌ yǎ bǎnu, dě htû̌ shěkhǎtôbǎ pě dě he no kǎkè wǐ kòyò mi̤ nutokhlǒ pě dě gî̌měkè a dě shû̌ukè a kû̌ mî̌ pě. Bǔjû̌ nutokhlǒ pě dě kǎyǎ pô̤̌yǎ pě dě bè̌plǒ a dǒ phòkû pě.’”