Versete biblice populare din Ebreo 5

Împărtășește

Naraha zamatapa rripade parriremanarraridenipa rradauideni. Pouadenipa bodideni tocauatteraza uima bicani tocatterrizade nauatoqquiri, uima uaidira tanicca uattarrode nauatoqquiri narrari. Rradauidenipa Deocca zossenirri narro tanicca mittade parriremanarrari.

Arrina, uarrano uapi taha Zesoza rrehe tizanapomaneraha poua tauimari maride tiparriremanaqui? Ssamoqquiri tiquenani. Deocca marinarra narrora tanicca timittemananissa terrerezape: —Narrarora imittapomana −titiquena narraro. Rraho nerrecotoui marinarra narrora tanicca touinira tizanapomanarraro? Nema tiquenezape pina erredeni tobaccoccassa tiquenarraro. Erredeni tobaccoccapa zamatapa rripade parriremana-rraraui. Zorrora tomi tomi quenarrarissa tiquenarraro. Arra zorrozara madimanarraridenipa erredeni. Pouadenipa uima bicani tocatterrizade ssamoqquiri, uima uaidira tanicca uattarrode ssamoqquiri narrari.

Nazama Deo Bedi Zeso Cristopa ocasserani aua-rrarauiuarrine parrireraha nama naha ocasserani auarrari. Nama narraripa Imehi Deo Attiza ibora tauiuarrine touattarrari. Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

Zeso Cristopa arrirraro namiza madiccaza uarrirriraza Imehi Deoza uati uati tarrari. Ocasserani auaza orriema Imehiza uati uati tarrari. Bodi qquezaza naco atti moui taza uaua narrari. Imehipa dacorehe carrirrari. Poua Bedi zoqqueheza inassiuauauiuarrine parrireui. Naraha Zesopa Imehi Attiza ibora taza: —Peperri Abi, touini taniccazana ibora onarraro −narrari. Nazapa Imehi Poua Bedicca iborehe qqui taza Bedicca uatinarra mittarrari.