Versete biblice populare din Ebreo 4

Împărtășește

Deo Attipe dacorehe carri, camittehe carri narraro. Pina rrazirecca massito cauidire-qquimerarrarossa narraro. Narraro massitope bani imeza rraro tozimeza tone touariuiza tarro tauiuarrine parrire, appone auatouiuarrine tone icanarobeuiuarrine parrire narraro. Narrarossa narraro Deo Atti ibodiza toqquezimezape icca uima nattome inarraro. Ibodi uatoue, ibodiza touini inanicca bazima bica tanicca, uaidira tanicca auato inanarraro.

Pouaza iarriressina. —Zesopa dacoraui, ia acco tocanabaqquiuiuarrine parrireui −inana. Pouapa bica taui. Iape bica inerreraraha iaza uati uana taui. Iaza uima anizape uimasiri inane-rreraniuarrine pouaza uati inezape ia acco tocanabaqquiuitoui.

Arra icca uima Deoza uauati toqquimade deni torrauicca Zeso pina iassa naha namiza madizapa uimasiri totonanade nattome inarrari. Pina ia nanattome narrarissa narrari. Uimasiri totonanade attia: —Zesopa ouattiza ibora taco? Ibo tarana? −naraha Zesopa Imehi Deozara ibora taza uimasiri inana-rrerarraro. Nama nazapa iaza uati uana taui. Ibodi mirrira tani nauato taza ia acco canade nacassa taui.

Rrehe, Deo bazima inauatorizarraripa uapima qqui tauissa tarrari. Poua qqui tarrarauiuarrine inarrimaui ssamo tani. Icca uima naqui Pouaza auato tarraro. Niza icca uima ecomeraniuarrinepe Poua baccouarri idomo uanitoui.

Deo Bedi Zesopa Imehi madiuiuarri toccamacossanizapa rridapana memeuarri madirrari. Pouapa icca uima Imehi Deoza uauati toqquimade deni torrauicca. Ouaha pina pouassa narrari noueraui. Pouazara parrissa ineza pouatoui dameraqquiri izanapona.

Nezape narraro Deocca rrassinarraza iquerrenaniuarrine dameraqquiri izanapona. Icca madirra zori tarra canima-rrarauiuarrine. Pina taidedenicca Deoza iboqquiri naza zori tocanirerrarissa quena-rrarauiuarrine, onarraro.