Versete biblice populare din Tiemisi 1

Împărtășește

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi. Xo ngelavu, loxo mimi axone uxali mo utovotovonu lopala noxinge la anu so u'oxonu opo­ngengi pumuxu mo kalaka­langenge uasi.

Ia loxo vile no taingengi usoti no anu lavulavu mu'asi'asi la ulingau noxou Mosinge. Xe loxo ulingau la anu ulosou ane, xo Mosinge u'osa so u'alaunasi'a tamitema mukalusi mo oponu tu'umaxuou linga noxi'a uasi.

Ioxe ngingi tavivilo ane asexelangenge misevile, tange­ngiou vaikala ano'o laixe. Nga­palea no anu lolomusi, ia no anu vaivaikala xe la'ia la ngapalea no anu mamu.

Laso loxo ngatulu pumu­ngenge avile axone la anu uxalixu nene'axu lailaixe aloxo 'o. Xoluxo­lungenge uxali ulomotele mo loloni avile, laso ngingi ngaxolu ngaka­mulinu mi vilela uasi.

Mo vaikalaou ngeno'u ne la ngalomuxusi. Xo loxo ngalomusou vitanisi ia ngamulinu uasi la anene ngingi ngakalavoingengisi ane.

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Mimi lailaixe mukalusi ane taxalisou ne molu no tualasou Mosingesi. Maminge e mosou mimi ane uka no loxotolo molu upilipilixinu nene'axu alauna mulomotele noxinge. La mimi no loxotolo loxo uiesou lialia la uxiuxunu xalexalexu, ia noxou Mosinge la ilixo noxou uxiuxiu axone uasisi.

Itema loxo ulomusou vaikalaou Mosinge vitanisi mo ulomuxu uasi, la anu loxo usaxisou iou no anu titilosi. Xo loxo usaxisou iou no anu titilo ka uxexe ulai, la anu alaxu vilesisi tanuvulusiou iou lexe musaxi axovae.

Vote'i ane malemalenga mo mulapu no iou Mosinge anu Maminge so tamulinu masaxa noxou aloxo 'o. Tavu'uline'i tamolomolo ane ta'oloxola xe tasema ane tamului'a misoisoli mo tasu'uline'i no anu tu'utu'umaxu noxi'a. Xe aloxo 'ola, taxolu va'axu no anu ili'ilixo masua so lialia 'o mo so anu utei uxolu noxinge uasi.

Ia loxo tovotovo no anu susu uxalisou itema vile la mamu so uvikala lexe, “E Mosinge utovoleli no anu susu”. Uasi manina, xo vote'i so susu utovonu Mosinge uasi xe Mosinge utovone'i tamitema no anu susu uasi. Tovotovo ne anu ulavusou uxalisinge vilevilesi loxo masaxa masua noxinge menge uuauoi­nenge kaio ulapunengesi.

Xe loxo vivinge Mosinge olu vile u'oloxola no anu xoluxolu so vasimolu la anu laixe so u'osasi, xo loxo manina la anu tanixu e teitexi musuku.