Versete biblice populare din Epesusi 4

Împărtășește

Ngapilixinu mo nga'oxo aloxo 'o. Ngingi nga'oxo laixe mo tangengingenge ngato'o. Xo susu ma'ia noxi'a tamenexinge la uxolu no xavutalamengi avile uasi. Nga'oxonu loxo Mosinge. Xo ngingi ngexolu noxou Kalaisiti laso anu muiasou susu noxinge avile.

Aloxo 'o. Ngingi masi nga'itingengi uasi ngalu'engengi noxi'a tavivinge. Loxo ane'i i'oxo axova la opongengi ulu'e noxi'asi. Xe loxo ilosinge tu'umaxu axova la ngaxavutalanu uasi, ngasexela­xa'asi.

Mo mamu so ngalemolu vaikala nuni'u ula no anangenge. Ngalemolu vaikala so mamatolasi so u'oxonu pakia'a ane'i ane opone'i tu'uma­xusou mi vile. Xo axone la ane'i ta'ei ilomusou vaikalamengi la usu'uline'i laixe ane.

Ngingi masi ngamatapianu vaikala ane so u'oxonu opongengi sixula. Mo la'iangenge o ngakaitolongengi ngato'o uasi. Mo mamu so nga'oto mo ngato'otomenge no anu vaikala. Mo ilixo so ngamunumunuxa'a tamenexinge so ngalu'ene'i ne ngapilixinusi.

Loxo ngaxamulinu la'ia no opongengi la ngalaxa'i laixe xo masi ngasusu ane. Mo mamu so la'ia noxinge uxolu aso loloni. Mamu so ngalosou Uluaou vote'i so utovongengi so ngalai no anu susu.

Masi mipelototosinge so xoluxolu noxinge tei lexe ngamulinu uasi. Xo anu susu tava'u no vasimenge anu loxo lavalava e usu'asinge. Usu'asinge mo uxalixu masamasaxa masua ane u'oxo lolongenge. Laso utotomu ngasi­sinu uxexe. Ngasisinu ane tei mo utotomu ngasakinu xoluxolu alavua so usu'asinge. Xo no anu xoluxolu alavua ne Mosinge molu muxalingenge tamalemalenga mo talapu. Mo so axone la xavutala no opongengi uxali alavua mo laixe kalumo.

Xo Ulenu molu mupita­ngengi vilesisi so opongengi uai se'isisiinge ngato'o. Laso ngingi xavingengi mo ngateteli axone so mi vile ukalipalangengi uasi.

Mimi lailaixe muiti'a tamitema ne lavulavu so xaixai aloxo 'o. Noxi'a se'i la ane'i tamitema ta'aposeli xe se'i tamitema so pela'a xe se'i la ane'i tamitema so ilanu vaikala laixe so Kalaisiti xe se'i so ivu'uline'i mo ipelototosi'a Mosinge ta'olu. Kalaisiti mu'itimenge lavulavu lailaixe ne so usu'ulinenge tamitemaou Mosinge no anu xaixai noxou. Mo so axone la nenge e vasimolu Kalaisiti uxali pakia'u. Mo so nenge oponenge vilesisi no anu lopala mo lavuluvusou Mosinge Olu. Xo axone la xoluxolu noxinge loxo tamitema ane tane'i mukalu mo xoluxolu noxinge noxou Kalaisiti uxali lolonisi.

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi. Mamu so ta'oxo axone, ta'oxo aloxo 'o. Nenge tasexelanenge ngato'o mo talemolu vaikala maninasi. Mo so axone la taxali pakia'inge xo tano'u lemenenge noxou Kalaisitisi. Xo nenge vasimolu mo anu kisinge.