Versete biblice populare din 1Korin 15

Împărtășește

Te dongah ka manuca thintlo rhoek tah cakrhuet la khak om uh. Boeipa kah bibi dongah baecoih yoeyah uh. Na thakthaenah tah Boeipa dongah a tlongtlai a om moenih tila ming uh.

Tedae mamih Boeipa Jesuh Khrih lamloh voelpoengnah mamih aka pae Pathen te ka lungvatnah.

Nangmih n'rhaithi uh boel saeh. Khoboe kodam he hui thae loh a poeih.

Tedae Pathen kah lungvatnah rhangneh ka om bangla ka om. Amah kah lungvatnah tah kai ham a tlongtlai la om pawh. Amih boeih lakah muep ka thakthae cakhaw kamah ah pawt tih kai taengkah aka om Pathen kah lungvatnah long m'patang sak.

Aw dueknah, nang kah voelpoengnah te melam nim? Aw dueknah nang kah suehling te melam nim? Te dongah dueknah suehling tah tholhnah ni. Tholhnah kah thaomnah tah olkhueng ni.

Nangmih taengah olhuep ni ka thui coeng he. Hlang boeih loh n'ip uh mahpawh. Tedae hlang boeih loh thovael uh ni. Setrhuet kah, mik hap tok ah, olueng hnukkhueng vaengah thovael uh ni. Olueng a ueng vaengah aka duek rhoek te aka kuei la thoo uh vetih mamih khaw n'thovael uh ni.

Hlang pakhat lamloh dueknah ha pawk vanbangla hlang pakhat lamloh aka duek rhoek kah thohkoepnah khaw ha thoeng van. Adam ah boeih a duek uh vanbangla Khrih ah khaw boeih hing uh van ni.

Aka hmawn loh aka nguel te bai ham, aka duek thai long he aka nguel bai ham a kuek.

Rhal boeih te a kho hmuiah a khueh duela manghai la a om a kuek. Rhal hnukkhueng dueknah te a thup coeng.