Versete biblice populare din မၢတ်ႈထႄႇ 4

မၼ်း​ၸဝ်ႈ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ ၵူၼ်း​တၵ်း​လႆႈ​ဢဝ်​ၶဝ်ႈ​မုၼ်း​ၵူၺ်း လဵင်ႉ​ၸႂ်​ဢမ်ႇ​ၸႂ်ႈ၊ တၵ်း​လႆႈ​ဢဝ်​တင်း​ၵႃႈ​ဢၼ်​ၽြႃး​ပဵၼ်​ၸဝ်ႈ​လၢတ်ႈ​ဝႆႉ​ၼၼ်ႉ လဵင်ႉ​ၸႂ်​ဢေႃႈ၊ မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ၸႃႇတၢၼ်ႇ ​ဢိူၺ်း၊ သုတ်ႉ​ပႃႈ​လင်​ၵဝ်​တႃႉ။ ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ၊ မႂ်း​တၵ်း​လႆႈ​ၵူဝ်း​ၵႂၢႆႇ ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး​ဢေႃႈ။ တၵ်း​လႆႈ​ႁဵတ်း​ဝၢတ်ႈ​တီႈ​မၼ်း​ၸဝ်ႈ​ၼၼ်ႉ​ၵူၺ်း၊ မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ လၢတ်ႈ​လႄႈ​ဝႃႈ၊ ဢၼ်​သမ်ႉ​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ထႅင်ႈ​ၸမ်ႉ၊ မႂ်း​ဢမ်ႇ​လႆႈ​ႁဵတ်း​တၢင်း​ဢၼ်​ၸၢမ်း​တူၺ်း ၽြႃး​ပဵၼ်​ၸဝ်ႈ​မႂ်း ထႃႇဝရႃႉ​ၽြႃး မႃး​ၼင်ႇ​ၼႆ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ ဝီႉၺိၺ်ႇ​ၸဝ်ႈ ဢဝ်​ ယေႇသူႉ ​ၵႂႃႇ​သူင်ႇ​ၵႃႈ​တီႈ​ၼႂ်း​ထိူၼ်ႇ ႁႂ်ႈ​မၼ်း​ၸဝ်ႈ​လႆႈ​ၶၢမ်ႇ​တၢင်း​ဢၼ် မႃႇၼၢတ်ႈ​ၸၢမ်း​တူၺ်း​ၸူဝ်း​ဢဝ်​လႄႈ၊- မၼ်း​ၸဝ်ႈ​ၼၼ်ႉ ဢမ်ႇ​ၵိၼ်​တၢင်း​ၵိၼ်​တၢင်း​ၶူပ်း​လႆႈ သီႇ​သိပ်း​ဝၼ်း​သီႇ​သိပ်း​ၶိုၼ်း​တဵမ်​တဵမ်​ယဝ်ႉ​ၸင်ႇ၊ တွင်ႉ​မႆႈ​ဢေႃႈ။

ၶဝ်​ၸိူဝ်း​ၼၼ်ႉ​ၸမ်ႉ၊ ပဵၼ်​တမ်ႇ​ငႃႈ​ဢေႃႈ။ မၼ်း​ၸဝ်ႈ​လၢတ်ႈ​တီႈ​ၶဝ်​လႄႈ​ဝႃႈ၊ ၸွမ်း​ပႃႈ​လင်​ၵဝ်​တႃႉ။ ၵဝ်​တၵ်း​ႁႂ်ႈ​သူ​ပဵၼ်​တမ်ႇ​ငႃႈ​ဢၼ်​မဵတ်း​ၵူၼ်း​ဢေႃႈ၊- မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ ပႅတ်ႈ​ဝႆႉ​ၶႄ​ၶဝ်​ၵမ်း​လဵဝ်​သေ​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။

ၸႃႉ​ၸဵမ်​မိူဝ်ႈ​ၼၼ်ႉ ယေႇသူႉ ၸင်ႇ​ၸႃႉ​ႁေႃး​ၸႃႉ​လၢတ်ႈ​လႄႈ​ဝႃႈ၊ ၶုၵ်း​ၸႂ်​လႆႈ​မႆႈ​ၸႂ်​တႃႉ။ မိူင်း​ၵၢင်​ႁၢဝ်​ၸဝ်ႈ ၸမ်​တၵ်း​တႄႇ​ပဵၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။