Versete biblice populare din ሮሜ 6

Împărtășește

ናጋራ ኦ̈ሳ ጋርታፖ ቤንታ̇ዚንዳ ዓይቃ፤ ጾ̈ሳ̇ ጋልዳፖ̇ ኢሚ̇ንታ̇ዝ ኪልሲ̇ንዳ ኑ ጎዳ ዬሱ̈ስ ክርስቶ̈ሳ ጎይባራ ቤንቲ̇ዝ ሜናብ ሼምፓባር ዶኢ።

ዓት ዪንታ̇ ኣቂሲዛ̈ዲ ጾ̈ሳ̇̇ ካንዲዶኬ ሙ̈ሳ ሂጋ̈̇ ጊዳካ̇ዮኮታ̇ቦ ዪንቲ̇ ናጋራብ ኣይላ ማ̈ቃ̇ንዳብ ኮሺ̇ባ̈ሴ።

ኑ̈ኒ ጻማ̇ቂንታ̇ምባ̇ራ ኑ̈ናር ኢባር ዎልኣ ዓይቂ̇ኔ፤ ኢባር ዎልኣ ዱ̈ኪንቲ̇ኔ፤ ዪ̈ኮታ̇ቦ ክርስቶ̈ሲ ጾ̈ሳ̇ ባ̈ባ ዎልቃ ቦንቺ̇ንቲኖምባራ ዓይቃ ጋርታ̇ፖ ዲንዲ̇ኖንዲፌ̈ኒ ኑ̈ናር ኦራ ሼምፓባር ዶኢ̈ሬ።

ዪና̇ ኢዝፌ̈ኒ ዪንታ̇ ኣሲቲን ኢ̈ት ኦ̈ሳ ኦ̈ምፔ̈ን ማሃሪ ናጋራብ ኣ ኢማ̇ፒቴ። ዎቲናካሬ ዓይቃ ጋርታፖ̇ ዲንዳ̇ሪ ሼምፓባሮ ማ̈ቃ̇ሪ ጾ̈ሳ̇̈ቦ ዪንታ̇ ኢሚ̇ብቴ። ዪንታ̇ ኣሲቲን ዎይን ኮሽ̇ ኦ̈ሳ ኦ̈ምፔ̈ን ማሃሪ ጾ̈ሳ̇ቦ ኢሚ̇ብቴ።

ሚኖ ናጋራንቻ ማ̈ቂ̇ኖ ኑ ኣሲቲንዳ ፋካምፔ̈ንኬ ኑ̈ኒ ናጋራብ ኣይላ ማ̈ቃ̇ዚን ጋርታፖ̇ ኣታ̇ንዳቦ ናጋራንቻ̇ ማ̈ቂ̇ኖ ኑ ኣሲቲንዳ ክርስቶ̈ሳባር ሶ̈ቲንቲ̇ኖን ኑ ኤሪ̈ሬ።

ዪዚ ዪንቲ̇ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ናጋራ ጋልዳፖ̇ ፋጊንቲኖ̈ዲፌ̈ንኬ ዬሱ̈ስ ክርስቶ̈ሳ ጎይባር ጾ̈ሳ̇ቦ ሼምፓባር ዶኢዛ̈ዲፌ̈ን ዪንታ̇ ፋይዲብቴ̇።

ዪዚ ኑ ኣብዝ ጋ̈ኔ? ጾ̈ሳ̇̈ ካን ኑ̈ብ ዎይላምፔ̈ን ናጋራ ኦ̈ሙታ̇ ዶኣኔ? ጊዳካ̇ዬ! ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ናጋራ ጋልዳፖ̇ ፋጊንቲኖን ኑ̈ኒ ዎዛርፌ̈ን ናጋራ ኦ̈ሙታ̇ ዶኢ̈ራ?

ዪንቲ̈ ፔቲ̇ ኣሳብ ኣይላ ማ̈ቃ̇ሪ ኪቲንቲ̇ ኤጌይንዶ ና̈ሳ ዪ̈ቦ ዪንቲ̇ ኣይላ ማ̈ቂ̇ኖን ኤሪ̈ሬ፤ ዪና̇ ኢዝፌ̈ን ዪንቲ̇ ናጋራቦ ኪቲ̇ንቴጌዪን ዪንታ̇ ጋልዳ ዓይቃ ኤሄ̈ዝ ናጋሪምቦ ኣይላ ማ̈ቂ̇̈ሬ፤ ጾ̈ሳ̇ቦ ኪቲ̇ንቴጌዪን ጺሊ̇ቲ ዲጚ̈ሬ።

ዪንቲ̇ ዓኒፖ̇ ቲ̈ን ናጋራብ ኣይላ፤ ዓት ዎቲናካሬ ዪንቲ̇ ዪንታ̇ብ ኢሚ̇ንቲ̇ኖ ቲሚርቲ̇ምቦ ቡ̈ዳ ጋርታፖ̇ ኪ̈ቲንቲ̇ኖኮታ̇ቦ ጾ̈ሳ̇̈̇ቦ ጋላታ ማ̈ቆ̇። ናጋራ ኣይሊቲ ጋርታ̇ፖ ኬስካ̇ሪ ጺሊ̇ቲብ ኣይላ ማ̈ቂ̇ኔ።