Versete biblice populare din प्रेरित 1

Împărtășește

तर पवित्र आत्‍मा टुन्‍हकम अइहीँ त टुह्र शक्ति पैबो। तबदोस्र टुह्र यरूशलेम सहरम, सारा यहूदिया ओ सामरिया क्षेत्रम, ओ पृथ्‍वीक कोनिकाटरसम म्‍वार साक्षी हुइबो।”

उहाँ कल, “याकर समय जन्‍ना काम टुन्‍हक नैहो। याकर समय तोक्‍ना अधिकार परमेश्‍वर बाबकठे केल बाटन।

एकचो येशू हुँकन्‍हकसँग खाना खाइबेर हुँकन असिक आज्ञा देल, “मै पैल्‍ह्‍हेँ टुँहन कहलअस परमेश्‍वर बाबा आपन प्रतिज्ञा करल टुँहन देना वरदान नैपठाइट्‍सम टुह्र यरूशलेम छोर्क कहोँ जिन जैहो कना बात सुनरख्‍लो। यूहन्‍ना पानीक बप्‍तिस्‍मा देहँट्‍ तर टनिक्‍क दिनम टुह्र पवित्र आत्‍मक बप्‍तिस्‍मा पैबो।”

दुःख भोग्‍क क्रूसम मुलक पाछ उहाँ चालीस दिनिक अवधिम कैयौचो हुँकन्‍हकठे देखपर्ल, ओ अप्‍न जिटी रलक धेर तरिकासे पक्‍का प्रमाण देल, ओ हुँकनसे परमेश्‍वरक राज्‍यक बारेम बात बटोइल।

उहाँ यी बात बट्‌वाक सेक्‍ल त, हुँक्र हेर्टीहेर्टी उहाँ स्‍वर्गओर बद्रीक उप्‍पर उठागैलक कारण, उहाँ हुँकन्‍हक नजरमसे बिलागैल।

हुँक्र एकटक लगाक आकाशम येशू उप्‍पर उठाजाइट्‍ हेर्टीरहल ब्‍याला उज्‍जर झुल्‍वा घालल् दुइठो मनै एकचोट्‌टे हुँकन्‍हकठे देखपर्ल, ओ कल, “हेरो गालील क्षेत्रक मनै, टुह्र काजे आकाशम हेर्टी अठे ठह्र्‍याइल बाटो? जसिक टुह्र येशूह स्‍वर्गम उठाजाइट्‍ देख्‍लो, ओसहेँक उहाँ घुम्‍क फेदोस्र अउइयाबाट।”