Versete biblice populare din Loma 12

Împărtășește

Mutane ukwiliṅasa ni-migendele gya ńi iji, mwijuvulage pakwipisa ulwijivuko lweńu, pakuta najuńe mudzigelanidzage, dze akelye Nguluvi ninofu nidzinogelidzwe nidzi-pedzidze.

Ńe vańa-lukolo vangu, ndivungila mulupyanidzo lwa Nguluvi, nditigila: mwitekelage umuvili gweńo, vuvedzage vwe vusembe vweńo uvûmi, uvwîmike, uvunogelidzwe, neke givedzage gye mîmbile-mulungu gyeńu imińa-luhala.

mukēlelelage muluhuvilo, pe mwipumuka mwigugumidzage, pakulapangila mwijumīlidzage

Mutane ukuleva kumbîfu, hamu imbîfu mudzilefehedzage ninofu.

uvwenda-lukolo vuvedzage ngita vuli kyânamunu, pakwiginya musu-tanile

uvwênde vuvedzage vundzila-vukedusi, mwidandamikage kumbîfu, mwidadambikilage kunofu

ngana lusivasumile, apo uńeńe mutengamanage navanu vonda.

Mutane ukwavulana mwijena, ńe vâne, mudze-pelage iṅaladzi dza Nguluvi, pakuva lolilwe ulwa kuta: „ulwavulo lwangu june, ilonga-vo umutwa.“

muvedzage muli kisatu pakugapifukila amalimo, ugwene umubepo ugo gupyage hela, mufi-kogosage ifigono

Ndivwene ndilongela mulusungu, lwe amelye najune, ndikuvalongela mwivonda, ndeve muvelye, nditigila: pakuhodza utane ukudzufihidza pa lwe unogye pakuhodza, uhodzehedzage muvwikala ve lutemelye, jumwijumwi agelelage palufuvo lwakwe, lwe amupelye Nguluvi.

mutane ukupiluhidza imbîfu pambîfu, mudziho-dzage inofu kuvanu vonda

muvedzage mutima gumwinga mwivonda; mutane ukuhodza idza kufitali, mugendasage navilēvedzi; mutane ukwiginika uluhala

Neke ulwene ngana uvwene umuńa-vukava vako afwe umusale, apo umuhosage nifilyo; ngana uvwene akalavanwike iṅelu, apo umupelage ifya kuńwa, pakuva ngana ugite-vo, apo ve ulundahidze amakala amańa-môto pamutwe gwakwe.

muvapogolage avakuvafwima, muvapogolage mutane ukuvalekela indeko, muhekelage navo avihekela, muvembanile navo avivemba

fye vagulwime avî-mike, ifyo muhange ukuvapēla, mugonekage avahêndza

Ndivwene najufwe pamuvili gumwinga ugu utupagwa motuli tolofu neke utupagwa utu tusili vulimanile vumwinga. Ve tuli-vo najufwe: twe volofu tuli muvili gumwinga mwa Kilisiti neke ukuva jumwijumwi, apo tuli fipagwa najula kwa mujagwe