Versete biblice populare din BiRomaŋ beŋ 4

Halisa wundɛ tha pɛyɛŋ lanɛya bakɛnama baŋ, awa wundɛ tha kikiŋ lahiri ba ka Masaala baŋ. Lanɛya nama baŋ ni ba wundɛ yama kaahuwa e dunkuna Masaala na kugbuŋunu. Wundɛ niyeŋ kulanɛya wukunthɛ ba dɔma na Masaala kɔŋ punku niya ba thanki wundɛ niya niŋ lahiri baŋ.

nɔŋ na tepe Masaala ka Ebrahim ka magbali nama maŋ na, na “Yaŋ ni yina mbemba ki ka siyani babɔyɛ.” Huna lahiri baŋ kɔɔyɛ wukahɛ ka kuwaŋ ku ka Masaala koŋ, wo ni Ebrahim lanɛya woŋ, Masaala wo ni ba bitukɛ beŋ thɔhɔ woŋ, wo ni yamari woŋ awa munki mu ka nɔŋ e muŋ niyɔ.

Hakɛŋ ntuŋ baŋ ni ba wundɛ dunkuno e wundɛ koro, awa e ndɛ ŋayino ka tuka haŋ haliko ba niya ba miŋ detho nɔŋ biya bithumbɛ iŋ Masaala.

Ebrahim ni Masaala na lanɛya e wundɛ yumba iŋ matute yima ba ba see, hali na niyɔy wuŋ kolo ka ba wundɛ yumbe ka gboŋa nɔŋ baŋ baŋ. Wundɛ see niyɔ “mbemba ki ka siyani babɔyɛ,” nɔŋ na tepe magbali ma ka Masaala maŋ na, na “Bɔnsɔŋ nda baŋ bɛ kɔŋ bɔyi nɔŋ sosɛŋ.”

Masaala ni nde lahiri woŋ, baa Ebrahim ni niŋ lanɛya, haliko lahiri wobɛina be punku ba kɔɔ wukahɛ nɔŋ munkii mu ka Masaala ka bɔnsɔŋ ba ka Ebrahim baŋ fooma, wuŋ ka hɔkɔŋ ka bi putiyɔy Siraŋ baŋ beŋ nagbɛti, kɛrɛ thiyitaŋ bi niyɛ lanɛya beŋ nɔŋ na ni Ebrahim lanɛya na, baa Ebrahim ndɛ na mbemba ntuŋ woŋ fooma

“Biya bi iŋ mayehitɔkɔ bina bi thanki Masaala pɛniyɛ banɛnɔy bakɛnamɛŋ, bi thanki wundɛ puuthiyɛ hakɛŋ bikɛnamɛŋ. Wɔ wo iŋ mayehitɔkɔ na wo sa nda Masaala kɔsiniyɛ hakɛŋ bikɛnama ka thukuma.”

baa magbali ma ka Masaala maŋ tepe, na “Ebrahim ni Masaala na lanɛya, awa ba saathɛ ba ka lanɛya babɛina nɛnɛ, Masaala yɛrɔkɔy niŋ nɔŋ wɔ thumbɛ.”