Versete biblice populare din 2 de Corintios 1

Împărtășește

Xtiosten Dios Xtad Xtadnɨ Jesucrist, laany ni nány Dad ne Dios ni rlaslaaz ne ni rguzaclaaz dunnɨ. Laany rguzaclaazny dunnɨ lo guelziitisy ni cadeednɨ par chalee iguzaclaazzacnɨ de ni cadeed xitill guelzii, iguzaclaaznɨdeb zec ni rguzaclaaz Dios dunnɨ.

Te pur masquɨ quesentiand guelzii cadeednɨ pur ni nan xpɨny Crist, ziyza quesentiand rguzaclaazzacny dunnɨ.

dunnɨ bdxannɨ xgab dec agutyxgan. Per bdeednɨ ziy te par chonén cuend dec quɨt xi chaleeti idxannɨ sin guelgucné xte Dios, laany ni rsbánny de bɨnguty.

Ne Dios laany cayacnény dunnɨ ne laat par rzutipnén ni nan tubyzi cun Crist, Dios laany bsiáldny dunnɨ gacnɨ par laany. Laany bcuabeeny dunnɨ par laany, ax bxiaaldny Spíritu Sant ni rbeznén zec tuby seny dec teru icáan ni ná par icáan.

Ne belati cadeednɨ guelzii, cadeednɨ guelzii par idxacnén laat chuzaclaaztɨ ne par chanuut xnez Dios. Chiy belati rguzaclaazny dunnɨ, rguzaclaazny dunnɨ par chuzaclaazzactɨ ax chalee güelaaztɨ saa de guelzii ni cadeednɨ.