Versete biblice populare din Roma 14

Împărtășește

Ia ke Puang Allataala ngkuasai to katuoanna tau, tangngia dikandena ba'tu diiso'na to parallu, apa iara to kasikalinoan pole' Puang Allataala, mpugauk pakkaeloran-Na, na kamasannangan to nabenni Roh Allataala. Ia to tonturu' Almaseh susi joo, napusannang Puang Allataala, nakasiri' tooi tau laen.

Ia antatuo, tuo lakoki' Puang Allataala. Ia antamate, mate lako tooki' Puang Allataala. Jaji, tuoki' ba'tu mateki', nang taun-Naki' Puang.

Iamo joo tapengkulleimi mpaden kasikalinoan, sola to apa den bua'na lako kamatapparanna padanta' tomatappa'.

Iamo joo, danggi' tasipasala melako. La'bih melo ia ke tapengkullei anna danggi' tapugauk dosa to napusaba' na padanta' tomatappa' mpugauk toda dosa.

Den diuki' lan Sura' Allataala kumua, “Nakua Puang Allataala, ‘Massapahna' kumua sininna tolino la messuju' jio olo-Ku'. Na sininna tolino la mangngaku kumua Aku'mo Puang Allataala.’ ” Jaji, pada la mpebalianki' kaleta' to panggaukanta' lako Puang Allataala.

Tarima meloi to padammi tomatappa', moi to malamma kamatapparanna. Danggi' misite'gehhi to pahangna toda ia.

Tangsipato' kamu' la mpasala padammi tomatappa', nasaba' kaunanna tau laen. Na den ia Puangna nnissenni, la ke'dehrika ba'tu melolinrika. Apa la mawatangngi ke'deh, nasaba' Puang Allataala mpamawatangngi.