Versete biblice populare din ဆၧ 1

Împărtășește

အဖၧၩ့နီၪ, ဆၧဒုၭၥ့ၪယၫနၥံၪအ့ၬ.- မွဲလါနၫ့ဘိၩ, ထီးၥၭမုဆံၫ့ဎံၪအ့ၪဂဲၫလၩ့ခိၬ လၧနၥံၪအလီၩ့တၭ, နၥံၪမိဒိၭန့ဆၧ အစီၩ့အမၩ့နီၪ, နၥံၪမိကဲၪထၪ့ၦထိး အၥၭလဖၪလၧယဂးလၧယရုစလံၫ့အဖၧၩ့ ဒဲလၧ ခးယုဒၫထၧၫ့ခးယၫအဖၧၩ့, ဒဲလၧစမ့ရအၫ ဒဲထီၩ့ လၧဂၪ့ခိၪအထုၬလီၫ.

ဧၪ.- တၭအဝ့ၫဒၪလီၩဘၪအဝ့ၫၥံၪ, အမုအလၩအ ဆၧၫ့အထီလၧဖါအီၪက့ၪလၩ့ လၧအစီၩ့အမၩ့ဒၪဝ့ၫ

အဝ့ၫဒၪအီၪကိၩ့အီၪကီၪ့ယူၭ လၧအဝ့ၫၥံၪအၥိၭ တၭ,မၪလူၬဝ့ၫဘဲၫၥိၭအထီးစဲၪ့ထၪ့ခွံၬ လၧယရုစ လံၫ့လဂ့ၩတၭ, အ့ၪမွဲဘဲၫၥိၭအမိအီၪခိၭ ဖါအဆၧလီၩ ဝဲၩလၧနၥံၪနါဂၧၫ့ယူၭလၧယၧၩယူၭလီၫ.- အဂဲးဘဲၫ ယီၩစယီဟၫ့ဘၭတံၫဇၫ့ဆၧလၧထံၫကျၩလီၫ. အ့ၪ မွဲနၥံၪဝ့ၫယီၩ, ထီးယီၩလၧယၫလခီၫ လအၪနံၩအၪ ၥၫ့ဘၪ,နၥံၪမိဒိၭ ဘၭတံၫဇၫ့ နၥံၪအၥၭ လၧၥၭမု ဆံၫ့ဎံၪလီၫ.

ဖိၪၥံၪလၧအရွံန့ဝ့ၫလဖၪနီၪလီၫ.- တၭလၧအထိးဆၧ ၡၪ့ဆၧနၭအလးခဲၫ့နီၪ ဒုၭနဲၪဖျီၪထၪ့အၥၭမၧၫ့လၧအ ဝ့ၫၥံၪအမ့ၬယၫ လၧဆၧထိးအၥၭအၪမံၩ့, လၧၦဂဲး လိၬတ့ၭလိၬလၥ့ၪဘၪ,ဒဲမၩဖျီၪထၪ့အၥၭလၧအဝ့ၫ ၥံၪအမ့ၬယၫ အၥၫ့လံဆံၫအထးဖၧၩ့တၭ, လီၩလၩ့ လၬလၩ့ဆၧဘၪဆဲၫ့လၧယွၩအဘၩ့အမုးလီၫ.

အဝ့ၫဒၪစံၭဆၧနီၪလဖၪဂီၩ့တၭ, အဝ့ၫၥံၪယိဝ့ၫအ ဘိၩ့ဘၭနီၪ, ဆၧမၩန့ထၪ့ထဲၩ့အဝ့ၫတၭ, ဆၧအုၪ့ဒိၭန့

ဝ့ၫလၧအဝ့ၫၥံၪအမ့ၬယၫလီၫ.- တၭအဝ့ၫၥံၪယိထံၫ ယိဆၭဆၧလၧမူၭခိၪ ထီးအထဲၩ့ထၪ့ အဘိၩ့ဘၭနီၪ, ယိခွါ,ၦနံၫဂၩကီၩ့ၥိၭဆၧဘွၩ အီၪထၪ့လၧအနဲၩ့ ထံၭ,- စံၭဝ့ၫဒၪ, ၦဂၫလလံၫဖိၪၥံၪဧ့,နၥံၪဆၧၫ့ထုၪ့ တၭ,ယိထၪ့ဆၧလၧမူၭခိၪနီၪမွဲဘၪလဲၪ. ယ့ၫၡုၬအနၫ့ ဆါဒၪဝ့ၫလၧဆၧအၪ့မၩန့ခွံၬဝ့ၫလၧ နၥံၪအအီၪ, ထီၩ့ လၧမူၭခိၪအဖၧၩ့နီၪမိဂဲၫလၩ့ထဲၩ့ဘဲၫနၥံၪဒၪဘၪ