Versete biblice populare din GÁLATAS 6

Împărtășește

Xalla niźtikiśtan ućhumnakki ni śumanaka päśkiśtan anaź otś wakiśićha; niźaśa ućhumnakki anaź q'iwsnasaź nïki, ućhumki ni axś thuñkiś axźnakićha.

Niźaśa ućhumnakakiś atchukapanx khila, ućhumnakki thapatiźkiś śumanakapanź päla, niźaśa ni ućhumnaka thapa quśśiś jilanakźkiśimi.

Niźaśa llakiź thonanaki porapatź yanapasa, xalla nuź anćhukki ni Criśtuź lïxaru qamasaćha.

Niźaśa anćhukki anaź perśunpacha q'ota: Yöśki anaź jëkiź q'otta khesaćha. Niźaśa thapa ni źoñiź ćhhakhtaki, nïśaqaś axźnakićha.

Niźaśa ni xañchiź pektakama ćhhakhñiki, nïź xañchiź anaśumanakaź axźnakićha. Niźaśa ni Espirituźkiśtan ćhhakhñiki, Espirituźkiśtan wiñay źetiź axźnakićha.

Jilanaka, anćhukki tshi jila ujkiś thxotsi cherasaź nïki, anćhukki tshi Yöś kirïñi jilaźta ni jila ana iya ujkiś thxotsnaxu quśtanćha. Xalla tïki thapa quśtan pä; niźaśa śapamayni ujkiś thxotskiśtan walxax kuytaśla, ana ampacha ujkiś thxotta khiśxapa.

Niźaśa yaqhapaki cheqanćha werhki khićhax nïki, xalla nuź khiñi źoñiki anaćha ćhhulumi, niźaśa perśunpachaź q'otćha. Niźaśa śapamayni perśun quś iwxaśtanćha, niźaśa tshi źoñiki nïź pätanaka śumaćha khićhax nïki, ni źoñiki ana yaqha źoñinakźtan tupśtanćha. Niźaśa śapamayni perśun uj chhichśtanćha.