Versete biblice populare din COLOSENSES 1

Împărtășește

Niźaśa Yöśki ućhumnak ni sumchi laqh aśkiśtan liwrïchićha, neqhśtan nïź Machh irpiśkin chhichchićha

Xalla nïźtan Yöśki thapa ni tsewkta yoqkin źelhñi ćhhultaqinaka niźaśa ti yoqkiś źelhñi ćhhultaqinaka pächićha, niźaśa cherchukami ana cherchukami, niźaśa jiliriźtaqaś aśśiś yenqhanakami. Thappacha tinakaki nïźtan pätakamaćha niźaśa nïźtaxapa pätaćha.

Niźaśa Criśtuki thapa ćhhultaqkiśtan tukiź źelhćha, neqhśtan nïźkhen thapa ćhhultaqinakaki śumapanź thurćha.

Criśtuki Yöś Matićha, xalla nïki ana cherchukaćha; niźaśa ni Criśtuki ima ti yoqa pänpanź źelatćha.

Niźaśa werhnakki anćhukakiśtan nonźta thuñkiśtanpacha, anapan anćhukakiśtan mayiśi apatatchinćha, niźaśa ni Yöśkiś mayućha anćhukakiś nïź thapa quśkiśtan nïź śiśnaka thäxu niźaśa katoqñi animumi. Xalla nuź anćhukki Yöś kirïchi jilanakaźtaqaś oqhlayasaćha, niźaśa nïź quś pektakama päkan, niźaśa thapaman ćhherinaka śuma lanqźkan poqqatkan niźaśa ni Yöś śiśnakźkiś paqkanami.