Versete biblice populare din Югьан 14

Împărtășește

«Мясляаьт ибшри!» – Узу кӀуразачвуз гъярайири. Узу учвуз Йиз мясляаьт тувразачвуз. Узу учвуз, инсанари туврубсиб мясляаьт туврадарзачвуз. Ичв кӀваан дердер адаай! ГучӀ мапӀанай!

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Исайи варидариз кади кӀуру: – Гъит ичв юкӀвариан шаклувалар удучӀври! Учву Аллагьдихъ хъугърачва, гьаци Узухъра хъугъай!

Узу бадали Адашди учвуз гьаърайи Хъюгърури – Гирами Рюгьну учвуз вариб улупиди ва Узу учвуз гъапиб вари кӀваин апӀидичвуз.

Шли Узхьан вуйи табшуругъар тамам апӀураш, гьадму ву Узу ккунир. Шлиз Узу ккундуш, Йиз Адашра гьадгъу ккун апӀиди. Гьацир Узузра ккун хьидизуз ва гьацирин улихь ачмиш шули хьидиза.

Узу Адашдикан ккун апӀидиза ва Дугъу учвухьна жарар – Хъюгърур гьаъди. Думу аьсрариз учвухъди гъузди. Думу Хъюгърур – Гьякьвалин Рюгь ву. Му дюнʼяйихьан Думу кьабул апӀуз хьидар, гьаз гъапиш Думу рякърур дар ва аьгъюр дар. Анжагъ учвуз аьгъячвуз Думу, Думу учвухъди хъа ва учвуъ а.

Йиз ччвур дибисну учву ккун гъапӀуб вари Узу тамам апӀидиза, ва Адашди Чан ад Чан Балʼантина улупиди. Эгер учву Йиз ччвурназ дих гъапӀиш ва фу ккун гъапӀишра, Узу тамам апӀидиза.

Эгер учвуз Узу ккундуш, Узу учвуз фу табшурмиш гъапӀнуш, гьадму тамам апӀинай.

Йиз Адашдин ужагъдиъ гизаф хулар а. Эгер гьаци дайиш, Узу учвуз мидкан пидайза. Узу учвуз душваъ йишв гьязур апӀуз гъягъюраза.

Узу гъушиган, учвуз йишв гьязур апӀидиза. Узу наан шулуш, учвура гьадушваъ хьпан бадали, Узу хътакидиза ва учву Узухьна гъахидиза.

– Агъа, Уву наана гъягъюраш, учуз аьгъдарчуз, – кӀурайи Фомайи. – Гьаддиз учуз дина рякъ наънан аьгъю шул?