Versete biblice populare din Zinama Tumatumae 1

Împărtășește

Sa pinamaṉana e Zihova si na pinodalaena sa tinumatumae hinokara, ba sa tie duduvilina si kilua sa ginilagilana lohina meke sa linulina sa tinarae pa hahanana tinoa. Tuqu, mu va avosia sa vina tumatumae tanisa tamamu, mu lopu kilu pania gua sapu totozi nigo sa tinamu.

Sa hinakohako tadi pu lopu goto si kote mate nia rini, meke pana lopu galagala ri na tie duviduvili si kote ta gore nia rini. Ba asa pu va avoso mae koa rau si kote toa va bulebulei, kaqu koa va leana si asa meke loketoṉa kote matagutu nia,” gua sa ginilagilana lohina.

Mani va avoso sa tie gilagilana pude mani gilagilana nono latu, meke mani ta turaṉa sa tie tumaena.

Tuqu, pude toketoke igo ri na tie kaleadi, si koromu va tabei si arini.

Hire sari na zinama tumatumae te Solomone sa baṉara pa Izireli, sa tuna koreo Devita, pude toka nigo pude dogoro vagia sa ginilagilana lohina  d meke lulia sa tinarae pa mua tinoa; pude va bakali sari na zinama gilaedi. Pude boka lulia sa tinarae te Tamasa pa hahanana tinoa meke sa kinoa va leana, pude taveti gua sapu toṉoto, ṉoṉo, meke sapu leana la pa tie. Pude va tumatumae ia sa tie sapu pupuhu, meke ponia ginilagilana na tinumatumae koasa tie vaqura.

Totoso asa si tiqe kote tioko mae au gamu ba kote koroqu olaṉa; kote hata sisigiti au gamu, ba lopu kaqu dogoro au gamu. Sipu kana ia gamu sa ginilagilana, meke lopu vizatia gamu pude pamaṉa nia se Zihova