Versete biblice populare din Zinama Tumatumae 2

Împărtășește

Ura e Zihova si vari poni nia sa ginilagilana lohina, meke koa Sa vura mae sa tinumatumae meke ginilagilana.

Tuqu, be va tabei goi sari qua zinama meke va naqiti sari qua ginarunu, meke va taliṉa la koasa ginilagilana lohina si goi, podekia pude vagia sa ginilagilana lohina, meke be tioko la si goi pude vagia sa binokaboka pude tumae nia meke kaboa agoi sa ginilagilana, meke be hata ia goi guana hata siliva meke pitu lulia guana tinagotago tomena, si kote gilania goi sa pinamaṉana e Zihova meke kote boka tumae nia sa Tamasa.

Na minataqara si poni ni Sa koarini pu koa va ṉoṉo, na lave si Asa koarini pu ene pa tinoṉoto, ura toketoke ni Sa sarini pu tavete va leana meke kopu totoko ni sa sarini pu luli va leana ia si Asa.

Ura saripu toṉoto si kote koa ia sa pepeso, meke sarini pu loke tinazutudi si kote koa hola vasina. Ba sari tie kaleadi si kote ta vagi palae koasa pepeso, meke saripu lopu va tabe si kaqu ta rabutu taloa guana linetelete pa pepeso.

Kote harupu igo tugo sa pa binarabarata, koari na zinama variva hoqadi tanisa barikaleqe maqota, pu veko pania sa loana, meke muliṉi nia sa vinariva egoi ta tavete koe Tamasa.