Versete biblice populare din ลูก๋า 12

Împărtășește

ต้าน​ตังหลาย​จง​เกียม​ตั๋ว​ไว้​หื้อ​พร้อม ย้อน​ว่า​บุตรมนุษย์​จะ​มา​ใน​เวลา​ตี้​หมู่​ต้าน​กึ๊ด​บ่เถิง”

แต่​หื้อ​ต้าน​เซาะ​หา​แผ่นดิน​ของ​พระเจ้า​ก่อน แล้ว​พระเจ้า​จะ​เตื่อม​แถ้ง​สิ่ง​ตี้​จ๋ำเป๋น​หมู่​นี้​กับ​หมู่​ต้าน

แล้ว​พระองค์​ก็​อู้​กับ​คน​ตังหลาย​ว่า “จง​หละวัง​หื้อ​ละ​เว้น​ก๋าน​โลภ​ตึง​หมด​เหีย ย้อน​ว่า​จีวิต​ของ​คน​เฮา​บ่ได้​ขึ้น​อยู่​กับ​ก๋าน​มี​สิ่ง​ของ​นักๆ”

ย้อน​ว่า​ทรัพย์​สมบัติ​ของ​ต้าน​อยู่​ตี้​ไหน จิตใจ๋​ของ​ต้าน​ก็​อยู่​ตี้​หั้น

ใน​หมู่​ต้าน มี​ใผ​พ่อง​ตี้​ฮ้อนใจ๋​แล้ว​ต่อ​จีวิต​ตั๋ว​เก่า​หื้อ​ยาว​ออก​ไป​แหม​สัก​หน้อย​นึ่ง​ได้

พระเยซู​อู้​กับ​หมู่​สาวก​ของ​พระองค์​ว่า “ย้อน​จาอั้น​บ่ถ้า​ฮ้อนใจ๋​จี้​วี้​จ้อ​หว้อ​เกี่ยวกับ​จีวิต​ว่า จะ​เอา​อะหยัง​มา​กิ๋น กาว่า​เป๋น​ห่วง​เรื่อง​ของ​ตั๋ว​ว่า จะ​เซาะ​หา​เสื้อผ้า​ตี้​ไหน​มา​นุ่ง

ขนาด​ผม​ของ​ต้าน​มี​กี่​เส้น พระเจ้า​ก็​นับ​ไว้​หมด​แล้ว ย้อน​จาอี้​บ่ต้อง​กั๋ว​เน่อ หมู่​ต้าน​มี​ก้า​นัก​เหลือ​นกจอก​หลาย​ตั๋ว​แหม​ก่อน

“หมู่​แกะ​หน้อยๆ เหย บ่ถ้า​กั๋ว​เน่อ พระบิดา​ของ​หมู่​ต้าน​ปอใจ๋​ตี้​จะ​หื้อ​หมู่​ต้าน​อยู่​ใน​แผ่นดิน​ของ​พระองค์

ลอง​ผ่อ​หมู่​นกก๋า​ลอ​ว่า บ่ได้​หว่าน บ่ได้​เก็บ​เกี่ยว บ่ได้​เอา​ข้าว​ไว้​ใน​หลอง แต่​พระเจ้า​เป๋น​ผู้​เลี้ยง​นก​หมู่​นั้น​ไว้ หมู่​ต้าน​มี​ก้า​นัก​เหลือ​นก​หมู่​นั้น​แหม​ก่อน

ต้าน​ก็​บ่ถ้า​ฮ้อน​ใจ๋​ว่า​จะ​เอา​อะหยัง​มา​กิ๋น​มา​ดื่ม

ถ้า​พระเจ้า​แต่งหย้อง​ดอก​หญ้า​ต๋ำ​โต้ง​ต๋ำ​นา เซิ่ง​มี​จีวิต​อยู่​ได้​วัน​นี้​วัน​เดียว ตก​แหม​วัน​ก็​จะ​ถูก​ก๋ำปือ​เข้า​ก๋องไฟ​จาอั้น แล้ว พระองค์​ก็​จะ​แต่งหย้อง​หมู่​ต้าน​นัก​เหลือ​นั้น​แหม โอ หมู่​ต้าน​มี​ความ​เจื้อ​หน้อย​แต๊ๆ

แต่​กู้​อย่าง​ตี้​ปิดบัง​ซุก​ไว้​จะ​เปิด​หื้อ​หัน ตึง​ตี้​เป๋น​ความ​ลับ​กู้​อย่าง​จะ​ถูก​เปิดเผย​ออก​มา​หมด​หลึ้ง