Versete biblice populare din Kolose 1

Împărtășește

Ma aie nong ga halon dahat sukun no udahat kinkinis ra hena no harkurai tano kankado ma ga hamaren dahat taar ra hena no bilai na harkurai tano Natine nong i manga sip ie.

Ma no uno kinkinis i manga tamat huo kanong God ga hakisi ira linge bakut ma no lima Krais, ira linge aram ra mawe ma kai tano pise, ira linge da nes ma ing pa di la nesnes, ma ira mangana tanuo hokaiken: ira lualua ma diet ing diet manga dadas ma diet ing diet la harkurai. Diet bakut kaiken, God ga hakisi diet ma no lima Krais ma wara hatamat Krais.

Krais at ga kis menalua ta ira linge bakut ma diet bakut diet kis timaan taar ra hena no uno harbalaurai.

Ma aie no malalarine God nong pa di la nesnes ie. Aie hoing no luena bulu kanong no uno kinkinis i tamat sakit ta ira linge bakut ing God ga hakisi.

Kaiken ra linge no burena bia mir pai sangeh ma ra sinasaring wara gaie muat tur leh tano bung mir ga ser leh no hinhinawas uta muat. Mir la sarsaring God bia na tabar muat ma ra tamat na minminonas ta ira linge i haruat ma ira numuat nilon na tanuo bia muat naga hung ma ra mintota utano uno sinisip. Ma mir sasaring mah huo bia muat naga lon hoing i sip bia muat na lon huo ma bia ta ira linge bakut ing muat la gilgil muat naga hakanakana ie hoken: na mon hunena ta ira numuat bilai na gingilaan bakut, muat na tahtahuat hanahaan ta ira numuat mintota utana, muat na kap ira dadas bakut haruat ma no uno tamat na baso sakit bia muat naga tur dadas ma muat na bala maat ta ira tirtirih, ma bia muat na tanga tahut tano adahat Sus ma ra gungunuama nong i te harahut muat bia muat naga petlaar bia muat na kap no pinlawe muat tika ma ira matanaiabar tus ta God ing diet kis taar tano madaraas.