زبُور 32
32
اِعترافِ گُناه و طلبِ بَخشِش
قَصِیدِه#۳۲:۰ دَ جای «قَصِیده» دَ زِبونِ عِبرانی «مَسکِیل» نوِشته یَه که اِمکان دَره «شعر یا مُوسِیقی ماهِرانه» معنیٰ بِدیه. داوُود.
1نیک دَ بَختِ کسی که خطای شی بخشِیده شُد
و گُناهِ شی پوشَنده.
2نیک دَ بَختِ کسی که خُداوند گُناهِ ازُو ره دَ حِساب شی نَمیره
و دَ روحِ ازُو حِیله-و-مَکر نَبَشه.
3وختِیکه ما دَ بارِه گُناهِ خُو چُپ شِشتُم،
استُغونای مه پوسِیده شُد
از آه-و-نالِه که تمامِ روز مُوکدُم.
4چُون دِست تُو شاو و روز دَ بَلِه مه گِرَنگی مُوکد؛
تَری-و-تازَگی مه دَ خُشکی تایستو تبدِیل شُدُد. سِلاه.
5اوخته ما گُناهِ خُو ره دَ پیش تُو اِقرار کدُم
و جُرم خُو ره تاشه نَکدُم؛
گُفتُم: ”ما خطاهای خُو ره دَ پیشِ خُداوند اِعتراف مُونُم،“
و تُو جُرمِ گُناهِ مَره بخشِیدی.
6پس بیل که هر بندِه مومِن تُو
دَ حالِیکه تُو مُیَسَر اَستی، دَ پیش تُو دُعا کُنه؛
اوخته اگه آوهای کَلو ام سیل کُنه، دَزُو نَمِیرَسه.
7تُو پناهگاهِ مه اَستی؛
تُو مَره از سختی-و-مُشکِلات نِگاه مُوکُنی
و سرُود های نِجات ره دَ چاردَور مه قرار مِیدی.
8 خُداوند مُوگیه: ”ما تُو ره هِدایت مُونُم،
و راه-و-طرِیقی ره دَز تُو تعلِیم مِیدُم که باید بوری؛
دَ حالِیکه چِیمای مه دَ بَلِه تُو اَسته، دَز تُو مشوَره مِیدیُم.
9رقمِ اَسپ یا قاطِر اَلّی نادو نَبَش،
که فقط دَ وسِیلِه نُخته و لَغام رام مُوشه،
دَ غَیرِ ازُو، نزدِیک تُو نَمییه.“
10رَنج-و-عذابِ آدمِ شرِیر کَلو اَسته،
لیکِن رَحمت دَ چاردَورِ کسی اَسته
که دَ خُداوند تَوَکُل دَره.
11اَی آدمای عادِل، دَ حُضُورِ خُداوند خوش بَشِید و خوشحالی کُنِید؛
اَی آدمای دِل راست، آواز خوشی بُر کُنِید.
Obecnie wybrane:
زبُور 32: HAZ
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.