زبور ۱۱۱
۱۱۱
یوسلو یوولسم زبور
د څښتن په صفت کې
1 د څښتن ثنا او صفت وکړئ!
د څښتن شکر به وباسمه د زړه له خلاصه
زه په مجلس کې د نېکانو او د هغوی غونډه کې
2 څومره لوی دي د څښتن کارونه
هغه ټول خلک چې خوشحاله وي پرې
غواړي چې فکر وکړي په هغو باندې
3 کارونه یې ټول دي له عزت او له جلاله ډک
او عدالت د هغه پاتې تر ابده به وي
4 څښتن چې کړي عجیبه کارونه
پرېنږدې چې مونږ یې هېر کړو
دی مهربانه او رحیم دی هغه
5 ورکوي رزق هغه چاته چې ترې وېره کوي
هغه هېڅ وخت خپل لوظ نه هېروي
6 د پردو خلکو د وطن په ورکولو سره
هغه ښودلی خپل قدرت خپل قوم ته
7 دی وفادار او عادل ټولو کارونو کې خپل
حکمونه یې ټول د اعتبار وړ دي
8 وي پایدار به تر ابده پورې
هغه دي شوي په وفا او صداقت باندې
9 هغه خپل قوم ازاد کړ
او ورسره ویې کړلو تلپاتې لوظ
دی سپېڅلی او هیبتناک د هغه نوم
10 له څښتن وېره ده شروع د حکمت
څوک چې د هغه د اوامرو اطاعت کوي
ورکوي پوهه ورته
ثنا او صفت دې د هغه وي تر ابده پورې
Obecnie wybrane:
زبور ۱۱۱: APB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.